Cont zij allen liede(n) dat jan coreman zone wile(n) henricx woenen(de)/ te voshem in p(rese)ntia heeft genomen ende bekint genomen te hebbe(n)/ tegen woute(re)n absoloens zone wilen joes thoff desselfs wout(er)s/ met zijne(n) toebehoirte(n) gelege(n) te voshem Te houden te hebben(e)/ ende te winnen van half meye naistcomen(de) eenen t(er)mijn van/ tweelf jae(re)n lanck deen nae dand(er) zond(er) middel v(er)volgen(de)/ Elcx jairs dae(re)nbinnen om ende voe(r) xix mudde(n) rocx/ ende twee mudde(n) tarwen elcx greyns goet en(de) paiabel/ d(er) mate(n) van loven(e) met wanne ende vlogele(n) wel bereyt/ tsinte andriesmesse apostels te betalen(e) ende te loven(e) te leve(re)n/ ende om ende voe(r) xxii g(ri)pen te xl pl(a)c(ken) tstuck te half/ meye te betalen(e) den voirs(creven) woute(re)n ende telke(n) t(er)mijne als/ v(er)volgde schout It(em) es vorwerde dat de p(ar)tien van malcande(re)n/ zullen moege(n) sceyden ten halve(n) tijde behalve(n) dat die gene die/ alsoe sceyden zal willen dat sal moeten den ande(re)n condigen/ een jair te voren Item es vorweerde dat de voirs(creven) wynne jairlijcx/ den voirs(creven) t(er)mijn due(re)nde int voirs(creven) hof leve(re)n zal xxxv ma(n)delen/ walms om de huysingen vanden voirs(creven) hove mede te decken/ ende soe wanneer men dien v(er)dect soe sal de voirs(creven) wy(n)ne/ den werclieden den montcost geven ende de voirs(creven) woute(r)/ sal de dachue(re)n betalen It(em) oft de voirs(creven) wout(er) aldair dede/ wercken van ouden wercke soe sal de wy(n)ne den selven/ werclieden den montcost geven twee oft drie dagen It(em)/ sal de selve wynne alle jae(re) den voirs(creven) t(er)mijn due(re)nde opde voirs(creven)/ goede setten xxv leven(de) pooten ende die wel verdoirnen/ om de goede mede te bevreden(e) des sal de selve wynne/ hebben allet droeghe hout Item en sal de selve wynne int/ bosschelken ald(air) liggen(de) des voirs(creven) wout(er)s gheen recht hebben/ It(em) sal de voirs(creven) wynne alle jae(re) die voe(r) ald(air) doen veegen en(de)/ die alsoe tzijnen afsceyden(en) laten wel ende loffelijck geveecht/ alsoe dat dairaf gheen scade en come It(em) sal de selve wynne/ jairlijcx den voirs(creven) t(er)mijn due(re)nde betalen der jouffr(ouwen) van/ bourgeval ende den houde(r) van boutsvoirt vi molevate(n) even(en)
//
ende drie d(enieren) chijs zonder afslach des voirs(creven) steet It(em) sal de/ voirs(creven) wynne de voirs(creven) goede houden wynnen werven en(de) meste(n)/ zijnen t(er)mijn lanck due(re)nde wel ende loffelijck gelijc reengenoete(n)/ boven ende beneden ende tzijne(r) afsceyden(en) zal hij die laten/ te weten(e) den wint(er)aert met wint(er)corens gelegen aenden/ berckene(n)bosch op vie(r) getidege voren houden(de) vi boende(r) luttel/ min oft meer dlant te leeuk(en) en(de) den steenpoel op vier getidege/ voe(re)n uutgenome(n) nege(n) dachmale(n) opden steenpoel voirs(creven)/ dwelc tsame(n) houden(de) es omtr(int) drie boende(re)n It(em) thien boend(er)/ luttel min oft meer besaeyt met evene(n) op twee getidege/ voren ende de brake eens o(m)megedaen oick omtr(int) tusschen x/ oft xi boende(r) It(em) sal de voirs(creven) wynne de voirs(creven) goede jairlijcx/ zijne(n) t(er)mijn voirs(creven) due(re)nde wel ende loffelijck bevrede(n) ende/ die alsoe laten tzijne(r) afsceyden(en) op zijne(n) cost en(de) allet stroo/ vanden voirs(creven) goeden comen(de) dat sal de voirs(creven) wynne int voirs(creven)/ hof vue(re)n ende ald(air) etten met zijne(n) beesten ende te meste/ maken ende dat vue(re)n opde voirs(creven) lande tslants meeste(n) p(ro)fijte/ alsoe wel op de verste als op de naeste It(em) sal de voirs(creven) wynne/ op dleste jair van zijne(n) t(er)mijne dmest binne(n) den voirs(creven)/ hove zijnde tot half m(er)te toe opde voirs(creven) goede vue(re)n als voe(r)/ It(em) sal de voirs(creven) wynne de huysinge vand(en) voirs(creven) hove houden/ vand(er) underst(er) rijckelen nederw(er)t wel ende loffelijck den/ voirs(creven) t(er)mijn due(re)nde It(em) sal de selve wynne jairlijcx vande(n)/ voirs(creven) lande mergelen een boender lants ten meesten p(ro)fijte/ It(em) es oic vorwerde dat de voirs(creven) wynne tvoirs(creven) hof den voirs(creven)/ t(er)mijn due(re)nde sal met zijne(n) huysgesinne bewoene(n) alsoe een/ wynne sculdich es te doene It(em) es vorweerde dat de voirs(creven)/ wout(er) jairlijcx hebbe(n) sal de helicht van allen den fruite d(air)op/ wassen(de) It(em) wairt alsnu in desen lesten jae(re) vand(en) voirgaender/ pechtingen gebreck es geweest mits der orlogen int hante(re)n/ vand(en) pechtingen ende goeden voirs(creven) ende noch soude moegen zijn/ in dyerste jair nu naistcomen(de) soe sal wout(er) voirs(creven) den wy(n)ne/ dair(af) doen vanden selven twee jae(re)n gelijck ande(re) gebue(re)n en(de)/ meeste(re)n hue(re)n wynnen boven ende beneden omtr(int) voshem doen/ zullen It(em) voirts es vorweerde dat de voirs(creven) wynne den voirs(creven)/ woute(re)n jairlijcx doen zal drie dage carweyde(n) met zijne(n) wagen(en)/ ende p(er)den It(em) sal de selve wy(n)ne moegen truncken alle/ trunceycken ende hagen gelijckerwijs hij hier voirtijde(n) gedae(n) heeft/ uutgenome(n) vand(en) opgaen(de) eycken d(air)en sal de wy(n)ne gheene(n) sache/ inne hebben Ende alle dese vorw(er)den (et)c(etera) cor(am) h(er)meys hoelair aug(usti) xxi