It(em) henrick vanden wijng(ar)de ende digne reynarts zijn/ huysvrouwe in p(rese)ntia hebbe(n) genomen ende gekint dat zij/ genome(n) hebben tegen he(re)n jacoppe hee(re) van gheete de moelen/ desselfs hee(re)n mette(n) toebehoirten gelijc die gelege(n) es te gheete/ in ald(er) manie(re)n gelijc zijn voirsete(n) die gehouden hebben/ eene(n) t(er)mijn van drie jae(re)n lanck due(re)nde deen nae dand(er)/ zonder middel vervolgen(de) innegaen(de) tsint jansmisse lestlede(n)/ a(nn)[o] lxxxix met condicien dat henr(ic) jossart sculdich zijn/ zal te drage(n) tvie(re)ndeel vande(n) yerste(n) jae(r) der voirs(creven) drie/ jae(re)n Elcx jairs dae(re)nbynne(n) om ende voe(r) seven ende/ tsestich mudde(n) corens goet ende payabel met wa(n)ne ende/ vlogele wel bereyt der mate(n) van gheete te betalen(e)/ te weten(e) alle weke(n) den voirscr(even) t(er)mijn due(re)nde een/ advena(n)t der zelv(er) so(m)men It(em) es vorweerde dat de voirscr(even)/ molde(r) sculdich sal zijn te leve(re)n den wynne des voirscr(even) he(re)n/ alle weke(n) den voirscr(even) t(er)mijn due(re)nde totte(n) oegste een/ half mudde corens in afcorti(n)gen altijt vand(en) so(m)men voirscr(even)/ It(em) de voirscr(even) molde(r) heeft den voirscr(even) he(re)n jacoppe geleent/ twee ende negentich rinsgulden(en) te lx pl(a)c(ken) tstuck. D(air)voe(r)/ sal de selve molde(r) afcorte(n) dov(er)bate vande(r) wekepachte/ bove(n) thalf mudde dat hij den wynne desselfs he(re)n leve(re)n/ moet elc mudde alsoet te thiene(n) gelde(n) zall gelik(er) mate(n)/ zond(er) argelist It(em) de voirs(creven) molde(r) zal gehoude(n) zijn den/ voirscr(even) t(er)mijn due(re)nde de voirs(creven) moele(n) wel ende loflijck/ in redelike(n) state tonderhoude(n) ende de selve late(n) tzijnen/ afsceyden(en) alsoe hij die bevonde(n) heeft tzijne(n) aencomen(en) It(em) es noch vorweerde dat de voirscr(even) molde(r) gehoude(n) sal zijn/ te geven(e) den voirscr(even) he(re)n jacoppe alle jae(re) den voirscr(even)/ t(er)mijn due(re)nde te kersmisse voir was cruyt ende tverken/ drie rinsgulden(en) xv stuv(er)s gelijc ande(re) mold(er)s die de/ selve moele(n) voirmaels voir he(m) gehoude(n) hebbe(n) gedaen/ ende betailt hebbe(n) It(em) de voirscr(even) hee(re) jacop sal sculd(ich)/ zijn alle jae(re) den voirscr(even) t(er)mijn due(re)nde te geven(e) den/ molde(r) voirscr(even) vier ellen lakens gelijc hij zijne(n) ande(re)n/ dienae(re)n jairlijcx cleet oft twee mudde(n) corens vand(en)/ voirscr(even) so(m)me(n) af staen Behoudelijc oft hij hem de selve
//
twee mudde(n) corens afslaet dat de voirscr(even) molde(r) in dien/ gevalle gehoude(n) sal zijn den voirscr(even) tabbart op zijns selfs/ cost te make(n) It(em) es vorweerde soe wa(n)neer de voirs(creven) molde(r)/ den voirs(creven) hee(re) voldae(n) hebbe(n) sal vanden xiii rinsgul(den) voirscr(even)/ dat hij alsdan den selve(n) borge(n) stelle(n) sal voe(r) dese pechtinge/ It(em) de voirscr(even) molde(r) heeft verleet iiii(½) rinsgul(den) te lijcoepe/ die hij den zelve(n) hee(re) aende so(m)me voirscr(even) afcorte(n) sal Ende/ alle dese vorweerden ende geluften (et)c(etera) cor(am) berghe donct/ septembr(is) xix