Item jorijs de gouwe(re) zone wijlen henricx wonen(de)/ te rotselair in p(rese)ntia heeft genome(n) ende bekindt/ ghenome(n) te hebben(e) van ja(n)ne tielens al(ia)s diericx/ als procur(eur) des goidshuys van tshertoge(n) eylande/ bij ghempe thoff desselfs goidshuys gelegen te/ du(n)berghe inde prochie van cortelke metten/ huysen hove(n) wynne(n)de landen mette(n) derde(n) schoeve(n)/ ende vierde(n) schoeve alsoe verre het den voirs(creven)/ goidshuys(en) toebehoiren(de) es ende gelijck lijsbeth
//
vand(er) roest ende henrick reers hue(r) sone die in/ pechtingen gehouden hebben tege(n) tvoirs(creven) goidh(uys)/ van ghempe Te houden te hebben en(de) te wynne(n)/ van half m(er)te comen(de) ov(er) een jair eene(n) t(er)mijn van/ xii jai(re)n deen nae dand(er) sonder middel v(er)volge(n)/ Elcx jairs d(air)enbynne(n) om ende voe(r) xvii mudde/ rocx een mudde witter erweten goet en(de) payabel/ mensu(r)e lovanien(sis) alle jae(re) tsint andriesmisse apostels/ te betalen(e) en(de) te loven(e) tarschot oft te ghempe opde(n)/ spiker te leve(re)n dairt de(n) voirs(creven) goidsh(uys) ald(air) best/ gelieve(n) sal op zijne(n) cost En(de) des salme(n) den voirs(creven)/ wynne los quijt en(de) vrijhoude(n) van alle(n) ongelde/ weechghelde ende assizen die he(m) vand(en) voirs(creven)/ coren(en) valle(n) en(de) come(n) mochte(n) It(em) sal de voirs(creven) wy(n)ne/ hebben de helicht vand(er) core(n)thiende(n) gelijc de/ voirs(creven) lijsbeth vand(er) roest en(de) henrick reers hue(r)/ sone tot noch toe gehadt hebben en(de) den voirs(creven)/ goidshuyse toebehoiren(de) es jairlijcx om ende voe(r)/ xxii mudden rogs een mudde erweten xiiii mudde(n)/ gheerste(n) xvi(½) mudde(n) even(en) ende een mudde tarwe(n)/ algader alsulcx grains als vand(er) selver thiende(n)/ come(n) sal der mate(n) van loven(e) alle jae(re) tsint andries/ messe apostels te betalen(e) en(de) te loven(e) oft tarschot/ dair den voirs(creven) goidshuyse gelieve(n) sal te leve(re)n/ It(em) es voirweerd(en) dat de voirs(creven) goidsh(uys) de wed(er)helicht/ der voirs(creven) thiende(n) v(er)pachte(n) sal op hoogen ende soe/ die selve helicht alsdan op hoogen uutgegeve(n) sal/ worden zall de voirs(creven) wynne de helicht hebbe(n)/ soe de voirs(creven) lijsbeth en(de) henrick reers hue(r) sone/ tot noch gehadt hebben den voirs(creven) t(er)mijn der/ voirs(creven) pechtingen due(re)nde Elcx jairs om en(de)/ voe(r) alsulken so(m)me van greyne oft and(er)s als/ die wed(er)helicht in maten voirs(creven) uutgegeve(n)/ sal werden te leve(re)n en(de) te betalen ten t(er)mijne(n)
//
ende ten prisen soe die voirs(creven) staen telcken t(er)mijne/ als v(er)volchde schout It(em) voirtmeer sal de voirs(creven)/ wynne vand(en) voirs(creven) thienden leve(re)n jairlijcx den/ voirs(creven) goidsh(uyse) xxv mandelen stroes half wynt(er)/ en(de) half zomer stro en(de) den p(er)soen van cortelke alst/ hen mijn vrouwe voirs(creven) beveelt jairlijcx oft d(er)/ selve(r) vrouwen xii ma(n)delen stroes half eens half/ and(er)s ghelijc voirs(creven) es ende alle dande(r) stroe dat/ vande(n) voirs(creven) goeden en(de) der helicht vand(en) thiende(n)/ come(n) sal dat en sal de voirs(creven) wynne niet moege(n) v(er)copen/ noch wech geve(n) maer sal dat etten bynne(n) den voirs(creven)/ hove met zijne(n) beeste(n) en(de) dair af mest maken en(de) opt/ voirs(creven) lant vue(re)n tslants meesten proffijte welke lande/ hij alle drie jae(re)n sal schuldich zijn tov(er)meesten wel/ en(de) loflijck gelijc regenoote(n) bove(n) en(de) benede(n) en(de) oick/ ten lesten drie jae(re)n vand(en) voirs(creven) t(er)mijne en sal hij/ niet moege(n) e(n)nich lant hoervruchte(n) den voirs(creven) goidsh(uyse)/ toebehoiren(de) en(de) oick sal de voirs(creven) wynne ten eynde/ vand(en) voirs(creven) t(er)mijne den rogge(n) arnt besaeyt laten/ met rogge en(de) met zijne(n) getiden voren ende de/ brake ende storte eens o(m)megedaen wel en(de) loflijc/ gelijc zijne(n) reengenoote(n) It(em) sal de voirs(creven) wynne/ den voirs(creven) t(er)mijne lang due(re)nde hebben en(de) houde(n)/ alle de beemde eeussele en(de) weyden den voirs(creven)/ goeden toebehoiren(de) soe wair die gelegen zijn/ alsoe v(er)re de voirs(creven) lijsbeth va(n)d(er) roest en(de) henrick/ reers hue(r) sone de voirs(creven) weyde en(de) beempde tot/ hertoe gehouden hebben Elc jairs dairenbynne(n)/ om en(de) voe(r) lxxv rinssche gulden(en) te xx stuv(er)s tstuck/ drie pl(a)c(ken) voe(r) den stuv(er) ende xxv ponden goed(er)/ custbaer botere(n) tsinte mertensmesse inden wynt(er)/ te betalen den voirs(creven) goidsh(uys) hondert opgedroechde/ hantkeese goet en(de) loflijc nae huer(en) behoirt(en) op hue(re)n
//
cant staen(de) tsint jansmisse te betalen(e) oft xiiii nachte/ dair nae te volleve(re)n ende desgelijc sal hij leve(re)n/ den voirs(creven) goidsh(uys) jairlijx ontrint sinte denijsmisse/ vijftich goeder cusbarer hantkeese als voirs(creven) es den/ voirs(creven) t(er)mijn due(re)nde telken t(er)mijn als v(er)volgen(de) scult/ It(em) sal de voirs(creven) wynne jairlijx houde(n) zijne(n) t(er)mij(n)/ due(re)nde den p(er)soen van cortelken een rint wynt(er)/ en(de) zomer oft he(m) dair voe(r) laten eene(n) beempt die/ gelege(n) es tegen deve(n)rot beneden dbroeclant dwelc/ van beyde(n) den voirs(creven) goidsh(uyse) gelieve(n) sal It(em) sal/ de voirs(creven) wynne jairlijx den voirs(creven) goidsh(uyse) houde(n)/ insgelijx een rint wynter en(de) zomer en(de) algad(er)/ gelijc zijns selfs beesten op dat tgoidsh(uys) voirs(creven) dat/ aldair bestelt It(em) sal de voirs(creven) wynne jairlijx/ zijne(n) t(er)mijn due(re)nde houde(n) en(de) hebben den beempt/ geheete(n) zwitten eeussel toebehoiren(de) den voirs(creven) (con)ve(n)te/ van ghempe alle jae(re) om en(de) voe(r) x rinssche gulden(en)/ te xx stuv(er)s tstuck drie pl(a)c(ken) voe(r) den st(uver) alle jae(re) tsinte/ mertensmisse inde(n) wynt(er) den voirs(creven) (con)ve(n)te te betale(n)/ en(de) te ghempe te bringe(n) It(em) sal de voirs(creven) wynne houd(en)/ verre en(de) ber sdorps behoef ende dat alsoe dat hij tvoirs(creven)/ goidsh(uys) daer af schadeloes houde(n) sal It(em) sal de voirs(creven)/ wynne jairlicx den vorste(r) des voirs(creven) goidsh(uys) sculdich/ zijn teten te geven(e) gelijc zijne(n) huysgesinne uutgenome(n)/ van broode en(de) van vleessche Ende desgelijx alle jae(re)/ den mayers die sgoidshuys beemde(n) aldair mayen/ selen den cost geve(n) uutgenome(n) van broode It(em)/ sal de voirs(creven) wynne jairlijcx leve(re)n zijne(n) t(er)mijn/ due(re)nde ix hondert walms om de huysinge(n) d(air)/ mede te houde(n) en(de) alsme(n) den walm voirs(creven) v(er)deck(en)/ sal dan sal de voirs(creven) wynne den werclieden/ den montcost geve(n) en(de) tvoirs(creven) goidsh(uys) de dachue(re)n betale(n)
//
Ende waert alsoe dat de voirs(creven) goidsh(uys) in op/ oft aen de huysinge(n) vande(n) voirs(creven) goeden e(n)nich/ nyeu werck van ty(m)meri(n)gen oft plecken dade/ maken d(air)af soude de wynne de werclieden den/ montcost geve(n) gelijc voirs(creven) es ende wes dair/ toe te halen wae(r) desmen behoefde ten voirs(creven)/ werck dat sal de wynne sculdich sijn te halen/ met zijne(n) peerden aldair he(m) tvoirs(creven) goidsh(uys) coepe(n)/ en(de) bewijsen sal bynne(n) den voirs(creven) dorpe oft bynne(n)/ eend(er) milen dair ontrint sond(er) argelist It(em) sal/ dat voirs(creven) goidsh(uys) behouden de porte metten duyf/ huyse alsoe zij dair steet sond(er) de wynne e(n)nich/ recht dair inne te hebben des zall de voirs(creven)/ wynne van allen costen en(de) lasten van desmen/ dair aen werct ongehoude(n) zijn van montcoste/ ende ande(re) costen Ende desgelijx zal de voirs(creven)/ wynne ongehoude(n) zijn van montcoste en(de) van/ alle(n) ande(re)n costen vand(er) thiend(er)schue(re)n en(de) vand(en)/ thienden solde(r) It(em) zal de voirs(creven) wynne jairlijcx/ merghelen een half boend(er) lants en(de) sculdich zijn/ te halen met zijne(n) wagen(en) en(de) peerden aldair/ he(m) tvoirs(creven) goidsh(uys) coepen en(de) bewijsen sal opden/ poel It(em) en sal de voirs(creven) wynne niet moegen/ houwen e(n)nich leven(de) hout oft scaerhout anders/ dan truncboomen truncken ten behoirlijken tijde(n)/ en(de) waert datter e(n)nige boome verdroechden/ die sal de voirs(creven) wynne moege(n) afhouwen/ en(de) dair voe(r) twee poten setten vand(en) selve(n)/ aerde en(de) wel bevreden It(em) sal de voirs(creven) wynne/ zijne(n) t(er)mijn due(re)nde jairlijcx moete(n) setten op/ zijne(n) cost en(de) last en(de) bewesten hondert poten op/ tvoirs(creven) goet aldair zij alder best wassen moege(n)/
//
ende die bevreden en(de) verdornen ende alle jae(re) den voirs(creven) godsh(uys) die bewijsen alse gesedt ende bevreedt zijn en(de)/ waert alzoe dat hij ten eene(n) jae(r) meer sedte dat sal hem/ altijt afslach doen ten ande(re)n jae(r) ende sette hij te luttel/ dat soude hij moege(n) ten naisten jae(r) verhale(n) zond(er)/ argelist It(em) de voirs(creven) wynne sal bynne(n) drie jae(re)n/ naistcomen(de) moeten maken en(de) vegen alle grechten/ royelen wat(er)loepe(n) beken oft roden Dair de voirs(creven) lijsbeth/ en(de) henrick nae inhoudt huer(er) pechtingen in gebreke(n)/ zijn geweest ende ten ynde vanden xii jae(re)n voirs(creven) zall/ de voirs(creven) wynne die oick moeten alzoe laten tot goeden/ mans prijse It(em) ten lesten drie jae(re)n en sall de voirs(creven)/ wynne nyet moege(n) opbreken noch wynne(n) gheen/ eeusselen noch weyen het en wae(re) bij consente svoirs(creven)/ cloest(er)s It(em) zal de voirs(creven) wynne jairlijcx sculdich zijn/ te vue(re)n van dunberghe tot loeven(e) oft tot ghempe/ dwelc den selve(n) cloester best gelieven sall vijff voerder/ hoys altijt ten versueke svoirs(creven) goidsh(uys) op zijne(n) cost(en)/ It(em) oft de voirs(creven) wynne aende vruchte(n) int velt schade/ lede van tempeeste oft gemeyne(n) oerloghe oft oick nae/ dat de selve vruchten inde schue(r) wae(re)n tot lichtmisse/ toe en(de) nyet lange(r) dat tgoidshuys hem dair aff/ rastoer doen sall gelijck ande(re) hee(re) en(de) vrouwen hue(re)n/ wynne(n) boven en(de) beneden sullen doen bij alsoe hij/ den voirs(creven) goidsh(uys) alsulcken schade in tijts becundighe/ om die gevisenteert te wordden It(em) zall de voirs(creven)/ wynne tduyfhuys laten gespijst alzoe alst bevonde(n)/ sall wordden ende jairlijcx leve(re)n den voirs(creven) goidsh(uys)/ xxv paer jonger duyven It(em) zijn den voirs(creven) wynne/ overgelevert bynne(n) den voirs(creven) hove vier peerden/ gepresen op xxiiii dobbel schide schilde te xxviii stuv(er)s
//
tstuck den stuv(er) te drie pl(a)c(ken) It(em) xvi coyen gepresen op/ eene(n)vijftich dobbel schilde inder weerden voirs(creven) It(em)/ eenen wagen ploech metten getouwen dair toe dienen(de)/ gepresen op x(½) dobbel schilde inder weerde(n) voirs(creven) Ende/ waert alzoe dat de leveringhe ten ynde vanden afscheiden(en)/ arger wae(r) dat sall de voirs(creven) wynne sculdich zijn op te/ richten ende oft zij bete(r) bevonden wae(re)n dat soude tvoirs(creven)/ goidsh(uys) den wynne oprichten en(de) betalen en(de) all ter goed(er)/ cnapen prise en(de) taxacien van beyden zijden dair toe/ gebeden en(de) genomen sonder argelist It(em) sall de voirs(creven) wynne/ ten ynde van zijne(n) voirs(creven) afscheiden leve(re)n vijff voeder/ hoys en(de) be die bewijsen opde beempde en(de) den voirs(creven)/ goidsh(uys) vue(re)n in hue(r) schue(re)n op zijne(n) cost It(em) sal de voirs(creven)/ wynne tsijne(n) afscheiden laten int voirs(creven) hoff inde schue(r)/ xiiii mandelen stroes half zomer stroe en(de) half wynter/ stroe ongheet It(em) es vorweerde dat de voirs(creven) wynne/ de voirs(creven) goeden en(de) thienden bynne(n) den voirs(creven) t(er)mijne/ nyet en sal moege(n) verthie(re)n noch verande(re)n noch oick/ ande(re)n van zijnder hant uuytgeven zonder consent des/ voirs(creven) goidsh(uys) It(em) es noch voirt vorweerde dat de voirs(creven) / wynne de voirs(creven) huysen en(de) hoven houden sal inder maten/ gelijck voirs(creven) es van nu voirtane tot halfmerte naistcomen(de)/ over een jair om en(de) voe(r) drie xxv kesen ghelijck die/voirs(creven) wynne voe(r) gespecificeert en(de) gescreve(n) staen It(em)/ zall de voirs(creven) wynne noch sculdich zijn te betalen(e)/ dit voirs(creven) jair xiii ponden boete(re)n Ende/ de voirs(creven) wynne zall sculdich zijn de voirs(creven)/ goede te bevrijen inder vuegen ende manie(re)n voirs(creven)/ Ende alle dese vorweerden conditien ende gelufte(n)/ voirs(creven) hebben gelooft de voirs(creven) p(ar)tien malcande(re)n/ vast en(de) gestentich te houden en(de) te voldoene (et)c(etera)/ Ende des zijn borgen des voirs(creven) wynne als/
//
als principael schulders een voe(r) al jorijs van/ helle(n)sfort sone wijlen jans ende jacop va(n) maelcote/ zone wijlen [vacat] van maelcote beyde woenen(de)/ onder de heerlich(eit) van rotselair Et p(ri)mus cor(am) b(er)ge/ hove januarii xi Sen(tentiatum) p(er) joh(ann)em de coste(re) t(am)q(uam) procu(r)atore(m) monasterii cor(am) borch boechout septembr(is) xix a(nn)[o] xcii Sen(tentiatum) p(er) fra(n)cone(m) vand(er) hofstadt t(am)q(uam) p(ro)cu(r)atore(m) mo(na)st(erii)? cor(am) vos rosme(re) oct(obris) xx[a] a(nn)[o] xcvii[o]