It(em) peet(er) snellairt zone wijle(n) jans in p(rese)ntia heeft gekint/ ende gelijdt dat hem meest(er) anth(oenis) draeye(re) cyrurgijn volcomelic/ ende altemale gecontenteert ende v(er)nueght heeft van allen/ alsulke(n) gebreken als de selve peet(er) gep(re)tendeert heeft te hebben(e)/ uuyt saken vand(en) guedingen ende wairscape vand(en) huyse/ met zijne(n) toebehoirte(n) geheete(n) den scepstoel vanden welke(n)/ de selve meest(er) anth(oenis) den voirs(creven) peete(r) guedi(n)ge gedaen hadde/ junii xxvi anno lxxxiii Scelden(de) hem d(air)aff ende van alles/ gheens des dien e(n)nichssins ae(n)gaen mach volcomelijck quijte/ Geloven(de) he(m) d(air)af ne(m)mermeer aen te spreken in gheene(n) rechte/ geestelijc oft weerlijck mair d(air)af innestaen ende gerecht wara(n)t zij(n) tot eeuwigen dagen cor(am) hove donct augusti xxvi