Item claes m(er)chants en(de) jouffr(ouwe) katlijne vand(en) hoevelde/ zijn wijff docht(er) jans vand(en) hoevelde t(er) eenre/ en(de) pet(er) boschman als man en(de) mo(m)boir katlijnen/ uute(n) lyemi(n)ghe(n) zijns wijfs docht(er) claes wijlen/ uute(n) lyemi(n)ghe(n) t(er) ande(re) sijn comen voir scepen(en)/ van loven(en) hier na bescreve(n) kynnen(de) en(de) lijden(de) dat/ zij met malcande(re)n v(er)accoerdeert ov(er)come(n) en(de) eensw(er)dd(en)/ zijn bij middele toedoen(e) en(de) ond(er)wijse van goede(n) ma(n)ne(n)/ d(air)toe tussche(n) hen genome(n) zoe uute(n) raide va(n)d(er) stadt/ soe ande(re) d(air)inne sijs hen mynlijck gekeert hadde(n)/ d(er) pointe(n) condicien en(de) vorweerde(n) h(ier)nae verclaert/ die zij deen dande(r) geloeft hebbe(n) te voldoen(e) en(de)/ tacht(er)volgen(e) en(de) elck den ande(re)n d(air)af altijt voird(er)/ vestich(eit) te doen(e) des vand(en) ande(re)n v(er)socht Te/ weten(e) inden yerste(n) dat voir allet recht toesegge(n)/ actie en(de) versterffenisse die des voirs(creven) claes m(er)chans/ weerdi(n)ne nu hebbe(n) mach oft naemaels nae de doot/ vand(er) weduwe(n) pet(er)s wijle(n) [vacat] juweliers/ hebbe(n) soude moege(n) totte(n) huysen en(de) hove(n) mette(n)/ toebehoirte(n) bij ja(n)ne wijle(n) vand(en) hoevelde den/ jonge(n) d(er) voirs(creven) jouffr(ouwe) katlijne(n) van hoevelde/ wettighe brued(er) was In vollen stoele vercrege(n)/ met geertruyden wijlen uute(n) lyemi(n)gen zijnen/ wive sust(er) was d(er) voirs(creven) katlijne(n) uuyte(n) lyemi(n)ge(n)/ pet(er)s wive tegen ja(n)ne de raymake(re) pelsmake(r)
//
en(de) zijne(n) wive gelege(n) opde(n) rechte(n) oft sinte/ katlijne(n) keyberch hoe oft [van] wat sijden den selve(n)/ claise m(er)chant oft zijne(n) wive tselve recht toesegge(n)/ actie en(de) versterffenisse van dien aengecome(n) oft/ aengestorve(n) es oft soude moege(n) In e(n)nig(er) manie(re)n/ opden co(m)mer en(de) last d(air) uut gaen(de) en(de) die de/ selve claes m(er)chant en(de) sijn wijf uuyt saken/ van dien te gelde(n) soude(n) moete(n) hebben/ Ende voirt oick voir allet recht deel actie/ en(de) versterffenisse die deselve claes m(er)chant/ en(de) sijn wijff tsamen oft bezund(er)t als naiste/ oir en(de) erfgename(n) des voirs(creven) wijle(n) jans van/ hoevelde die jong(en) brued(er) was van desselfs/ claes m(er)chans wive nu hebbe(n) oft geheyssche(n)/ co(n)ne(n) oft namaels soude(n) moege(n) hebbe(n) oft conne(n)/ gheeyssche(n) van tgene des desselfs jans wijle(n)/ vand(en) hoevelde wive te weten(e) d(er) voirs(creven) wijle(n)/ g(er)truyde(n) uut(er) lyemi(n)ge(n) pet(er)s zwageri(n)ne va(n) wile(n) clase/ uut(er) lyemi(n)gh(en) hue(re)n brued(er) oft hij namaels bevond(en)/ werdde voir d(er) selv(er) gertrud(en) aflivich oft gestorve(n)/ geweest te hebben van haeflijck(en) goed(en) lijfrinte(n)/ erfrinte(n) oft verlopen(en) pachte(n) en(de) rinte(n) van dien/ gebleve(n) en(de) verstorve(n) soude moege(n) sijn oft/ oick and(er)ssins vand(er) selv(er) wijle(n) gertruyde(n)/ in e(n)nig(er) manie(re)n en(de) oick voir trecht en(de) deel/ dat deselve claes oft zijn wijf hebbe(n) mochte(n)/ inde erfrinte(n) oft lijfrinte(n) oft acht(er)stelle van/ dien gebleve(n) nae de doot vanden selven/ wijlen ja(n)ne van hoevelde en(de) g(er)truyd(en) sijne(n)/ wive d(er) deselve van hoevelde en(de) sijn wijf/ oft sij noch leefd(en) selve e(n)nichssins [inne] ghericht/ soud(en) moege(n) sijn in e(n)nig(er) manie(re)n de voirs(creven)/ pet(er) boschman als man en(de) momboir d(er) voirs(creven)/ katlijne(n) uut(er) lyemi(n)ge(n) sijns wijfs zust(er) der/ voirs(creven) wijle(n) g(er)truyd(en) uut(er) lyemi(n)gen geve(n) en(de)/ betalen sal den selve(n) clase m(er)chant en(de) sijne(n)/ wive xliiii rinsguld(en) te xx stuv(er)s tstuck/ Ende dat de voirs(creven) claes m(er)chant en(de) pet(er)
//
boschman half en(de) half betale(n) sulle(n) de twee/ gelaghe op ghiste(re)n xx augusti en(de) oick op hede(n)/ xxi augusti a(n)no xc verdroncken Ende sal de/ voirs(creven) pet(er) bosman van allen dien en(de) des dien/ e(n)nichssins aencleeft oft aengaen oft aencleve(n)/ sal moege(n) staen int volcome(n) recht desselfs/ claes m(er)chants en(de) sijns wijfs die d(air)op gansselick/ tot desselfs pet(er)s en(de) sijns wijfs behoef halmelick/ ger(e)nu(n)cieert en(de) vertege(n) hebbe(n) Promitten(tes) sat(isfacere)/ si q(uid) Ende dactie die de voirs(creven) claes uuyt(er)/ lyemi(n)ghe(n) oft hij noch leefde d(air)inne oft e(n)nich/ van dien hebbe(n) mochte sal de voirs(creven) pet(er) tsine(n)/ laste hebbe(n) zond(er) claes oft zijnd(er) werdi(n)ne(n) last/ en(de) de voirs(creven) pet(er) sal alleene drage(n) de vi(½) rinssche/ gulden(en) die vand(en) voirs(creven) huyse gevallen sijn/ en(de) ombetaelt uutstaen en(de) al tgene dat vand(en)/ voirs(creven) goede(n) oft rinte(n) te heffen steet en(de) ombetaelt/ es dat sal pete(re)n volge(n) van acht(er)stelle oft and(er)ss(ins)/ opde(n) reg(ist)re oft elsw(air) cor(am) duffle hoeve(n) augusti/ xxi