Want gielis ende jan leerse als geleydt nae des(er)/ stadt recht voir huer wettich gebreck uut crachte/ van scepen(en) brieve(n) van loven(en) tot allen den goede/ beyde have en(de) erve jans wijlen craene soe wair/ die gelegen sijn hen met brieve(n) van des(er) stadt/ gescreve(n) aende meyers van aerschot oft zijne(n) stadhoud(er)/ en(de) zichen(en) oft zijne(n) stadhoude(r) te nurode alle deselve/ goede behoirlijck hebben doen leve(re)n en(de) der weduwe(n)/ desselfs wijlen jans dach van rechte te compare(re)n/ inde banck voir meye(r) en(de) scepen(en) van loven(en) doen/ besceyden oft zij huer dair tege(n) hadde wille(n) oppone(re)n/ Aldair zij op heden als ten verstreken(en) daighe/ niet gecompareert en is noch procur(eur) van hue(re)n/ wegen hem d(air)tegen oppone(re)nde de voirs(creven) gielis/ en(de) jan leerse altijt compare(re)nde en(de) trecht voirt/ versueken(de) Soe hebben scepen(en) van loven(en) ter/ manissen smeyers nae dat hen bij rapport(en)/ wout(er)s van boenrode d(er) stadt bode behoirlijck
//
gebleken heeft de voirs(creven) leveri(n)ghe ende dach/ besceydinghe geschiet te sijne gewesen voir een/ vonnesse wair de wed(er)p(ar)tie vand(en) voirs(creven) gielise/ en(de) ja(n)ne leerse niet en compareert ten opstaene/ smeyers en(de) der scepen(en) datmen den selve(n) gielise/ et ja(n)ne houd(en) soude inde macht van hue(re)n/ beleyde scepen(en) brieve(n) en(de) leveringe(n) alsoe verre/ alst noch voir scepen(en) comen es In scampno/ octobr(is) xiiii