Want jan stockincx ende arnt van meerbeke/ als geleydt nae des(er) stadt voir huer wettich gebreck/ uut crachte van scepen(en) brieve(n) van loven(en) tot allen den/ goeden beyde have en(de) erve jans wijlen huene/ soe wair die gelegen sijn hen met brieve(n) van/ des(er) stadt gescreve(n) aenden meye(r) van he(re)nt oft/ zijne(n) stadhoude(r) te thieldonck Alle deselve goede/ behoirlijck heeft doen leve(re)n en(de) der weduwen/ des voirs(creven) wijle(n) jans dach van rechte te compare(re)n/ inde banck voir meye(r) en(de) scepen(en) van loven(en) doen/ besceyden oft zij huer dair tegen hadde willen/ oppone(re)n Aldair zij op heden als ten verstreken(en)/ daige niet gecompareert en es noch procur(eur) van/ hue(re)n wegen hem dair tegen tegen oppone(re)nde de/ voirs(creven) jan stockincx en(de) arnt van meerbeke altijt/ compare(re)nde en(de) trecht voirt versueken(de) Soe hebben/ scepen(en) van loven(en) t(er) manissen smeyers nae dat hen/ bij rappoirte gielis eveloghe d(er) stadt bode behoirlijck/ gebleken heeft de voirs(creven) leveri(n)ghe en(de) dach besceydi(n)ge/ geschiet te zijne gewesen voir een vonnesse wair/ de wed(er)p(ar)tie vand(en) voirs(creven) ja(n)ne en(de) arnde niet/ en compareert ten opstaen(e) smeyers en(de) der scepen(en)/ datmen den selve(n) ja(n)ne en(de) arnde houde(n) soude/ inde macht van hue(re)n beleyde scepen(en) brieve(n)/ en(de) leveri(n)gen alsoe v(er)re alst noch voir scepen(en) come(n)/ es In scampno octobr(is) xiiii