Item jan yden ende katlijne vand(en) berghe sijn/ huysvrouwe en(de) jan yden sone des voirs(creven) jans/ die hij hadde van lijsbetten claes zijnd(er) yerst(er)/ huysvrouwen woenen(de) te velthem in p(rese)ntia hebbe(n)/ genome(n) ende bekindt genome(n) te hebben tegen/ arnde van vroenhove(n) al(ia)s smet als procur(eur) jouffr(ouwen)/ m(ar)griete(n) wittema(n)s weduwe joes wijle(n) absoloens/ thoff der selv(er) weduwen gelegen te velthem/ mette(n) wi(n)nen(de) landen beemden ende eeusselen/ dairtoe behoiren(de) Te houden te hebben en(de) te wynne(n)/ van halfmerte naistcomen(de) des(er) tegewoirdig(er)/ maent Eene(n) t(er)mijn van tweelf jae(re)n lanck due(re)nde/ deen nae dander sond(er) middel vervolgen(de) behalve(n)/ dat sij van malcande(re)n sceyden moegen ten halve(n)/ t(er)mijne behoudelijck dat de gene die alsoe sceyd(en)/ wilt dat den ande(re)n een jair te vo(r)en cu(n)digen/ sal Elcx jairs dae(re)nbynne(n) te weten(e) elck boend(er)/ lants soe verre die strecke(n) sullen om ende voe(r)/ xxi molevate(n) rocx goet en(de) payabel met wa(n)ne/ ende vloegele wel bereyt pacht en(de) mate van/ loven(e) ts(in)te andriesmesse apostels te betalen(e) ende/ te loven(e) te leve(re)n der voirs(creven) weduwe(n) alle jae(re)/ den voirs(creven) t(er)mijn due(re)nde Ende de voirs(creven)/ beemde te weten(e) elck boender dairaff soe v(er)re/ die oick strecken zullen om ende voe(r) twee croene(n)/ te xxiiii stuv(er)s tstuck tres pl(a)c(cas) pro stufe(r)o tsinte/ m(er)tensmesse te betalen(e) der voirs(creven) weduwen/ alle jae(re) den voirs(creven) t(er)mijn due(re)nde Ende voirts/ opde vorweerden ende conditien naebescreve(n)/ Te weten(e) dat de voirs(creven) wynne(n) gehouden sulle(n)/ sijn de voirs(creven) lande(n) jairlijcx wel ende loffelijck/ te wi(n)nen te werve(n) en(de) te mesten gelijck reengenoete(n)/ boven ende beneden te weten(e) den wynt(er)art met/ vier voren ende den som(er)art met drie voren/ It(em) dat de voirs(creven) wynne(n) thue(re)r afsceyden(e) besaeyt/ laten zullen ond(er)half boend(er) met tarwen ende/ dander voert met rogge soe verre dien art/ strect Ende de stortte eens o(m)megedaen It(em) dat
//
de voirs(creven) wynne der voirs(creven) weduwen jairlijcx/ den voirs(creven) t(er)mijn due(re)nde leve(re)n zulle(n) int voirs(creven)/ hoff veertich busselen walms om de huysi(n)ge/ vanden voirs(creven) hove mede te decken(e) ende te/ repare(re)n It(em) sullen de voirs(creven) wynne(n) sculdich/ sijn de huysinge vande(n) selve(n) hove wel ende/ loffelijck tond(er)houde(n) vand(er) underst(er) rijckele(n)/ ned(er)w(er)t Ende alsmen aldair plect oft dect/ soe v(er)re dien voirs(creven) walm strect soe sullen/ de selve wi(n)nen den werclieden den montcost/ geven ende de voirs(creven) weduwe de dachue(re)n/ betalen It(em) de voirs(creven) wynne(n) sulle(n) allet stroe/ opde lande wassen(de) int hoff te meste bekee(re)n/ en(de) dat opde lande vand(en) selve(n) hove te vue(re)n/ It(em) sal de voirs(creven) weduwe jairlijcx hebbe(n) de/ hellicht vanden oefte op alle de voirs(creven) goede/ wassen(de) Dairaff de voirs(creven) wi(n)nen huer gedeelte/ jairlijcx sculdich sullen sijn te loven(e) tot hue(re)n/ huyse te leve(re)n op d(er) selv(er) wi(n)nen last Ende/ des sal deselve weduwe sculdich sijn den/ voirs(creven) wi(n)nen te doene eenen man om tselve/ oeft t(er) eerden hulpen te doene den welken/ de wi(n)nen den montcost geve(n) sullen ende de/ weduwe de dachue(re)n betalen It(em) es vorweerde/ dat de voirs(creven) wi(n)nen de grechten en(de) wat(er)leyde(n)/ aende voirs(creven) goede veegen sullen tot hue(re)n/ laste It(em) sullen de voirs(creven) wynne(n) moegen/ truncken trunchout wassende opde termpte(n)/ vand(en) voirs(creven) landen t(er) mi(n)ster scaden Ende oft/ ald(air) enige willege(n) verdroeghde(n) oft ned(er)viele(n)/ die sulle(n) de wi(n)nen te henweerts nemen ende/ des zullen zij gehouden sijn voe(r) elke willege/ alsoe verdroecht oft ned(er)gevallen twee jonghe/ poten te setten It(em) bove(n) dien sullen de voirs(creven)/ wi(n)nen jairlijcx hue(re)n t(er)mijn due(re)nde gehoud(en)/ sijn te setten tweelf jonghe poten Ende alle dese/ vorw(er)d(en) (et)c(etera) cor(am) hoeve(n) vynck martii q(ua)rta