Alsoe als henrick coker ov(er)lang bij scepen(en) vonnessen/ gedoceert heeft ende doen blijcken met joese peysman/ vorste(r) vanden drie rastame(n)ten die hij heeft doen/ doen op zeke(re) pe(n)ni(n)g(en) oft sculden toebehoiren(de) jonche(re)n/ adriaene van assche als mo(m)boir sijns wijfs en(de)/ den selve(n) ombetailt uutstaen(de) aen sijn molders/ vand(er) moele(n) geheete(n) redi(n)ge moelen ende sijn scult
//
die hij aend(en) selve(n) jonche(re)n adriaene uutstaen(de)/ heeft bij vonnesse d(er) selv(er) scepen(en) gecleert heeft bij/ eede gedragen(de) acht rinsgulden(en) zond(er) de coste(n)/ uuyt saken van toeseggen(e) bijd(en) selve(n) jonche(re)n/ adriaene hem gedaen (et)c(etera) Hebben de scepen(en) van/ loven(e) nae dat hen genoech kenlijck es ende/ gebleken heeft dat deselve jonch(e)r adriaen de/ wete gehadt heeft vande(n) selve(n) v(er)volghe want/ hij hem als poirte(r) van bruessel d(air)tegen heeft wille(n)/ behulpen ende desake alsoe lange in delaye en(de)/ uutstelle gehouden heeft t(er) manissen smeyers/ en(de) ernstegen versueke des voirs(creven) henricx gewijst/ voir een vonnesse dat den voirs(creven) henr(ick) sijn voirs(creven)/ gecleerde schult mette(n) coste(n) van rechte ind(er) saken/ geloepen aend(en) voirs(creven) scult oft pe(n)ni(n)g(en) volge(n) sall/ Bij alsoe ofter gebrect dat hij voirtva(r)en sall/ moege(n) met rechte ende ofter ov(er)de dat hij dat/ wed(er)ke(re)n sal In scampno cor(am) om(n)ibus dempt(is)/ duffle hoeve(n) aprilis xiiii