Condt zij allen lied(en) dat henrick vand(er) moelen soene wilen/ henricx in p(rese)ntia heeft genome(n) ende bekint dat hij genomen/ heeft van m(ijnre) vrouwen des godshuys vand(er) banck bij loven(e) met/ den mombo(r)en ende gemeynen convente desselfs godshuys thoff/ des selfs godshuys gelegen ind(en) dorpe ende p(ro)chien van/ berthem metten huysen hoven bog(ar)den ende beemden ende/ omtrint xxxii boende(re)n winnens lants in drie arden geleg(en)/ ende met allen sijne(n) toebehoerten Te houden te hebben/ ende te winnen van halfmeye naistcomen(de) eene(n) t(er)mijn/ van elf jae(re)n lanck due(re)nde deen nae dander sonder/ middel v(er)volgen(de) Elcx jaers dae(re)nbynne(n) de voirs(creven) wy(n)nen(de)/ lande om ende voe(r) xxxiii mudde(n) rocx goet ende payabel/ pacht ende mate van loven(e) met wa(n)ne en(de) veede(re)n wel bereyt/ sint andriesmesse apostels te betalen(e) ende int voirs(creven) godshuys/ oft in desselfs godshuys herberge te loven(e) opden solder te/ leve(re)n alle jae(re) den voirs(creven) t(er)mijn due(re)nde quol(ibe)t ass(ecu)[tu(m)] Ende/ de beemde den voirs(creven) hove toebehoiren(de) te weten(e) [omtrint] thien/ dachmale(n) gelege(n) int gemeyn broeck te ralebeke Ende/ omtrint ond(er)half dach(male) beslotens beemps gelege(n) tolme(n)dale beyde/ inden dorpe van hev(er)le voir ende om alle jae(re) te geven/ ende te betalen jairlicx den voirs(creven) t(er)mijn due(re)nde alle(n) den/ chijs ende co(m)mer in gelde ende in graene dair uutgaende/ Ende oft enigen co(m)mer oft last gedaen wordde opde voirs(creven)/ goede bij quader betalingen dat dat de voirs(creven) wijnne/ oprichte(n) ende betalen moet tot zijne(n) coste behalven dat/ tgodshuys hebbe(n) sal jairlicx deen hellicht vand(en) strunchoute/ vand(en) willegen staen(de) opden beempt te ralebeemde alse/ tijtverdich sullen zijn te truncken ende tselve godshuys sal/ sijn hellicht doen truncken ende de wynne sal die hellicht/ int godshuys bringen ende de wijng(ar)tstake(n) opden wijng(ar)t/ des voirs(creven) godshuys vue(re)n Item es vorweerde dat va(n)d(en)/ oeste dat elcx jairs den voirs(creven) t(er)mijn due(re)nde inden/ boeg(ar)t vanden hove wassen sal den godshuyse deen hellicht/ toebehoe(re)n sal ende tgodshuys saelt doen helpen lesen/ ende de wynne sal den lesers den montcost geve(n) ende/ deen hellicht int godshuys bringe(n) Item sal de voirs(creven)/ wynne alle jae(re) den voirs(creven) t(er)mijn due(re)nde int voirs(creven) hoff
//
leve(re)n veertich mandele(n) cusbair walme(re)n om de huysingen/ vand(en) selven hove mede te houden(e) Ende alsme(n) dair dect/ plect ty(m)mert oft mest soe sal de winne voirs(creven) den werck/ liede(n) den montcost geve(n) ende tgodshuys de dachue(re)n betale(n)/ uuytgesceyden tot geheele(n) nuwe(n) huysen dair aff sal de wynne/ allessins ongehouden sijn Item sal de wynne voirs(creven) alle/ stoffe dieme(n) totten voirs(creven) huysen behoeve(n) sal aenhalen om/ de huyse mede te maken(e) Item sal de voirs(creven) wynne/ alle de huyse houde(n) van wanden vand(en) onderster rijckele(n)/ ned(er)weerts op sijne(n) cost Item sal de voirs(creven) wy(n)ne alle/ de waterleyen oft vlieten ende alle straten en(de) wegen aende/ voirs(creven) goede zijnde ende liggen(de) maken en(de) houden wel/ ende loffelijck gelijc reengenoete(n) op zijne(n) cost zonder cortsel/ van des voirs(creven) steet Item sal de voirs(creven) wi(n)ne alle jae(re)/ setten opde voirs(creven) goede twintich willige(n) levender poten/ bynnen der maent van meerte ende die verdoirne(n) tegen/ de beesten Item sal de voirs(creven) wynne moege(n) afhoude(n) alle/ verdroechde oeftboeme(n) ende willege(n) ende voir elcke ver/ droechde twee levende poten vanden selve(n) sape weder/ setten ende verdoirne(n) bynne(n) der maent van meerte/ als vo(r)e Item sal de voirs(creven) wynne den voirganc houden/ dat hij niet en minde(re) noch en vergae Item sal de voirs(creven)/ wynne allet goet dat opde voirs(creven) goede wassen sal int/ voirs(creven) hoff moeten bringen ende dat aldair slijten ende te/ meste maken met sijne(n) beesten ende dat mest uuytvue(re)n/ ten behoirlijcken tijde opde lande voirs(creven) tslants meesten/ p(ro)fijte alsoe wel opde verste als opde naiste Item sal de/ voirs(creven) wynne alle de lande vande(n) voirs(creven) hove wel en(de)/ loffelijc wynne(n) werve(n) ende mesten gelijc reengenoete(n) bove(n)/ ende beneden vier oft zesse reengenoete(n) verre Ende de/ voirs(creven) lande ten ynde van zijne(n) t(er)mijne laten gelijc hijse/ vint tzijnen aencome(n) te weten(e) vii boende(re)n met roggen/ besayt twee boender met tarwen op vier getidege voren/ ende elf boender lants stortten D(air)aff besaeyt ix dach(malen) met/ gersten drie vierendeel lants met erwiten besaeyt op drie/ getidege voren ende acht ende een half boend(er) en(de) een/ vierdel lants al besaeyt met even(en) op twee getidege voren/ Item omtrint xii boender braken die al eens o(m)megedaen
//
Item sal de voirs(creven) wynne tot zijne(n) lesten jae(re) ende afsceyden(e)/ allet meest int voirs(creven) hoff zijnde uutvue(re)n tot meye opde/ voirs(creven) lande vand(en) voirs(creven) hove tslants meesten p(ro)fijte als/ vo(r)e ende die boeg(ar)de beemde ende tcoren opde lande besaeyt/ beheymt ende bevreet laten Item es vorweerde dat de voirs(creven)/ wynne als vand(en) buyte(n) lande dat de wynne voirs(creven) es/ houdende dat den voirs(creven) hove niet toe en behoirt ten/ lesten jae(re) niet en sal moege(n) mesten voirde(r) dan men/ bevind(en) sal bij goede ma(n)nen nae davena(n)t dat vand(en) voirs(creven)/ buyte(n) landen stroe int voirs(creven) hoff inne comen es ende anders/ niet Item en sal de wynne voirs(creven) ten leste(n) drie jae(re)n/ niet moege(n) hoervruchten de goede vand(en) voirs(creven) hove noch/ gheene van dien Item es ond(er)sproken oft enige scade ge/ sciede vand(en) wynne voirs(creven) oft zijne(n) boden oft kinde(re)n van/ brande dat god behueden moet soe soude de wynne moete(n)/ maken alsoe goeden huyse alser vo(r)e wa(r)en ten prijse/ van goede ma(n)nen oft tsestich peet(er)s dair voe(r) betalen en(de)/ desgelijcx oft van des godshuys gedaen wa(r)e soe soude/ tgodshuys dat den wynne oprichten als vo(r)e Ende oft/ de wynne enige scade lede vanden volcke van wapen(en)/ Soe es vorweerde dat tgodshuys voirs(creven) den wynne te/ hulpen comen sal voir elcke(n) man van wapen(en) te/ perde eene(n) stuv(er) voir elcken dach en(de) nacht It(em) insgelijcx heeft de voirs(creven) henric genome(n) [eene(n) t(er)mijn] als vo(r)e/ een stuck lants bij tselve godshuys goet gelegen/ wilen toebehoeren(de) m(ar)grieten svoeghs nu den voirs(creven)/ godshuyse toebehoe(re)nde Elcx jairs om sesse halster/ tarwen oic den godshuyse jairlijcx te betalen(e) ten/ t(er)mijne(n) voirs(creven) Item sal de voirs(creven) wynne elcker/ jouffr(ouwen) vanden voirs(creven) godshuyse jairlijcx leve(re)n te/ sinxen(en) xiii eye(re)n d(air)aff dierste leveri(n)ge vande(n) selve(n)/ eye(re)n sijn sal te sinxen(en) naistcomen(de) It(em) heeft insgelijcx/ genomen eene(n) t(er)mijn gelijc vo(r)e een beemdeke(n) bij/ cortbeke gelegen omtrint de selve goede Elcx jairs/ om thien stuv(er)s tsintemerte(n)misse te betalen(e) [En(de) alle dese vorw(er)d(en) (et)c(etera)] Coram/ lyefkenrode vynck decembr(is) p(ri)ma/ Item de voirs(creven) henric heeft geloeft m(ijnre) vrouwe(n) ende/ co(n)ventualen voirs(creven) dat hij van sijnen goeden hem
//
toehehoren(de) vercopen verthie(re)n noch versetten en sal/ het en zij bij weten(e) consente ende willecoren(e) der selver/ cor(am) eisd(em)