Allen den genen (et)c(etera) dat vrouwe kathlijne lobs meest(er)sse/ vanden godshuyse vand(er) banck bij loven(e) jouffr(ouwe)/ kathlijne van myerlair ende jouffr(ouwe) lijsbeth scusters/ co(n)ventualen inden selven godshuyse met consente ende/ ten bijsijne gheerts carbeel als momboir desselfs/ godshuys in p(rese)ntia hebben geconstitue(er)t gesedt volcome(n)/ macht procuratie ende auctoriteyt gegeven henricke/ vand(er) horst pauwelse oliviers janne oliviers zijne(n)/ sone meester cornelise claessone van middelborch/ claese scribaen meester claese scribaen sijne(n) sone/ meeste(re)n cornelise scoenvorst willemen van lele henr(icke)/ de custe(re) janne pet(er)mans wonende inde herberge/ des voirs(creven) godshuys te loven(e) willemen loenijs/ hennen de vos janne van oucle ende ph(ilip)s wouters/ aut Alle des voirs(creven) godshuys saken questie(n) ende/ gescillen die tselve godshuys alsnu uutstaende heeft/ oft naemaels hebben sal moegen voir alle gerichte(n)/ geestelijc ende werlijc tegen wien dat sij Alle/ des selfs godshuys jairguld(en) sculden chijsen/ rinten pachten opcomi(n)gen ende v(er)vallen goede/ beruerlijc ende o(n)beruerlijc hoedanich die sijn/ waer die belege(n) sijn oft bevond(en) sullen moege(n)/ worden Te verwa(r)en te manen(e) te eysschen(e)/ opte bue(re)n en(de) te ontfangen(e) dair voe(r) te panden(e)/ te daigen(e) te beley(d)en(e)? rasteme(n)te te doen leggen(e)/ die met rechte te exeque(re)n te wi(n)nen te v(er)liesen/ Allen gescriften ende libellen over te geven(e) en(de) te/ nemen(e) te replice(re)n te duplice(re)n alsoe wel int/ principael als int accessor getuge(n) te sien swe(re)n/ die te batte(re)n huer depositie te wederleggen alsoe/ dicwijle ende menichwerve(n) als dat gebore(n) sal moege(n) (et)c(etera)/ in meliori forma Cum p(otes)tate substituend(i) Promitte(n)t(es)/ rat(um) salvo iusto calculo cor(am) eisd(em)