Item willem van leefdale als procur(eur) mathy de chenoit/ gehoirt hebben(de) de v(er)nyeuwinge vand(er) aenspraken/ gedaen opden selve(n) mathy bij he(re)n ja(n)ne de boix/ en(de) ja(n)ne mana(n)dise als procur(eur)s costain de boix rint/ meest(er) she(re)n van sombreff heeft dach genome(n) zijne(n)/ meest(er) te bringen(e) om tantweerde(n) op deselve aensprake/ oft selve als procur(eur) d(air)op tantweerde(n) op van heden ov(er)/ acht daigen naistcomen(de) te mistijde in scampno cor(am)/ om(n)ibus scabinis dempto pynnock januarii xx