SAL7384, Akte: R°355.2-R°356.1 (649 van 1043)
Akte R°355.2-R°356.1
Act
Datum: 1491-02-19
Transcriptie
2021-08-31 door fernand BERTRANDVand(er) questien die voe(r) den raide vand(er) stadt/
come(n) es tusschen pete(re)n de becke(re) scrij(n)make(r) en(de)/
sijn medepleg(er)s als momboirs vand(en) wettige(n)/
kinde(re)n lucas wilen vande(n) dale die hij hadde/
van marien wijlen dyntens sijne(n) wive en(de)/
d(er) kinde(re)n jans wijlen dyntens die brued(er)/
was der selv(er) wilen marien t(er) eenre en(de) jacoppe/
frissens die getrout hadde lijsbette(n) wijle(n) dyntens/
oick zust(er) der voirs(creven) wilen jans en(de) marien/
t(er) ande(re) van dat deselve jacop frissens den/
voirs(creven) kinde(re)n dyntens ende hue(re)n medeerfg(enamen)/
int gemeyne geloeft soude hebben de so(m)me/
van hondert vive(n)twintich en(de) eene(n) halve(n)/
rinsgulden(en) die welke hij hem sculdich soude
//
sijn geweest van houte van moute en(de) ande(re)n/ grane ende oick van geleenden gelde dwelck/ deselve jacop vonden hadde ind(en) vossenstert/ als hij dair inne was comen woene(n) toebe/ hoirende den selve(n) kinde(re)n om die so(m)me/ aen te leggen in erfrinten tot behoef der/ selv(er) kinde(re)n behalve(n) dat toele dyntens/ moed(er) der voirs(creven) kinde(re)n hue(r) tocht behoud(en)/ soude hue(r) leefdage lanc ende nae hue(r) aflivich(eit)/ deselve rinten gedeylt te wordden elck nae/ sijn avenant ende dat deselve toele aflivich/ was gewordden dese pointen oft die ontkint/ wordden p(rese)nteerde de voirs(creven) peet(er) met zijne(n) medepleg(er)s/ ind(en) name vand(en) voirs(creven) kinde(re)n te thoenen hopen(de)/ oft hij dat conste gedoen dat de voirs(creven) jacop/ frissens de voirs(creven) pe(n)ni(n)gen oft e(m)mer de twee vijfste/ gedeelten van dien tot behoef vand(en) kinde(re)n dair/ voe(r) hij ageerde den welken deselve twee vijfste/ gedeelten van dien toebehoirden sculdich soude/ sijn aen te leggen(e) aen te leggen(e) alsoe dat dat/ den selve(n) kinde(re)n genoech soude moegen wesen/ Dair tegen deselve jacop hem v(er)antweerden(de)/ ontkinde genoech tvoirs(creven) aenveerden en(de) toesegge(n)/ en(de) seyde al wairt datter yet aff wa(r)e des/ hij soe nyet en bekinde soe hadde hij vele/ costen en(de) lasten mett(er) selv(er) thoele(n) der moeder/ gehadt dairaff hij niet en was gerecompenseert/ Oick hadde sij gemaict zeke(re) testamente(n) bijde(n)/ welken zij hem quijtgescouwen hadde soe hij/ meynde Ende aldus meynde hij d(er) aensprake(n)/ ongehouden te zijne den aenlegge(re)n t(er) (contra)rien/ p(er)siste(re)nde soe v(er)re dat deselve aenlegge(re)n/ hier inne tot hue(re)n thoene gewijst sijnde zij/ genoech volquame(n) in al huers vermets/ Es uutgesproken en(de) get(er)mineert inde(n) raide/ vand(er) stadt dat jacop frissens gehouden/ sal sijn den kinde(re)n lucas wijlen vande(n)/ dale en(de) den kinde(re)n jans wijlen dyntens
//
hue(r) gedeelten vand(en) voirs(creven) so(m)men van hondert/ vive(n)twintich ende eene(n) halve(n) rinssche gulden(en)/ aen te legge(n) in erfrinten nae dat de wairheyt/ gedragen heeft Oft hen die selve loffelijck te/ bevestige(n) op goede borghen oft panden den/ rechte genoech sijnde Uutgesproken in cons(ili)[o]/ opidi p(rese)ntibus absoloens burg(imagistr)[o] oeghe s(u)bsti(tu)[to]/ burg(imagistr)[o] duffle hoeve(n) scabinis et plu(r)ibus aliis/ de consilio februarii xix
//
sijn geweest van houte van moute en(de) ande(re)n/ grane ende oick van geleenden gelde dwelck/ deselve jacop vonden hadde ind(en) vossenstert/ als hij dair inne was comen woene(n) toebe/ hoirende den selve(n) kinde(re)n om die so(m)me/ aen te leggen in erfrinten tot behoef der/ selv(er) kinde(re)n behalve(n) dat toele dyntens/ moed(er) der voirs(creven) kinde(re)n hue(r) tocht behoud(en)/ soude hue(r) leefdage lanc ende nae hue(r) aflivich(eit)/ deselve rinten gedeylt te wordden elck nae/ sijn avenant ende dat deselve toele aflivich/ was gewordden dese pointen oft die ontkint/ wordden p(rese)nteerde de voirs(creven) peet(er) met zijne(n) medepleg(er)s/ ind(en) name vand(en) voirs(creven) kinde(re)n te thoenen hopen(de)/ oft hij dat conste gedoen dat de voirs(creven) jacop/ frissens de voirs(creven) pe(n)ni(n)gen oft e(m)mer de twee vijfste/ gedeelten van dien tot behoef vand(en) kinde(re)n dair/ voe(r) hij ageerde den welken deselve twee vijfste/ gedeelten van dien toebehoirden sculdich soude/ sijn aen te leggen(e) aen te leggen(e) alsoe dat dat/ den selve(n) kinde(re)n genoech soude moegen wesen/ Dair tegen deselve jacop hem v(er)antweerden(de)/ ontkinde genoech tvoirs(creven) aenveerden en(de) toesegge(n)/ en(de) seyde al wairt datter yet aff wa(r)e des/ hij soe nyet en bekinde soe hadde hij vele/ costen en(de) lasten mett(er) selv(er) thoele(n) der moeder/ gehadt dairaff hij niet en was gerecompenseert/ Oick hadde sij gemaict zeke(re) testamente(n) bijde(n)/ welken zij hem quijtgescouwen hadde soe hij/ meynde Ende aldus meynde hij d(er) aensprake(n)/ ongehouden te zijne den aenlegge(re)n t(er) (contra)rien/ p(er)siste(re)nde soe v(er)re dat deselve aenlegge(re)n/ hier inne tot hue(re)n thoene gewijst sijnde zij/ genoech volquame(n) in al huers vermets/ Es uutgesproken en(de) get(er)mineert inde(n) raide/ vand(er) stadt dat jacop frissens gehouden/ sal sijn den kinde(re)n lucas wijlen vande(n)/ dale en(de) den kinde(re)n jans wijlen dyntens
//
hue(r) gedeelten vand(en) voirs(creven) so(m)men van hondert/ vive(n)twintich ende eene(n) halve(n) rinssche gulden(en)/ aen te legge(n) in erfrinten nae dat de wairheyt/ gedragen heeft Oft hen die selve loffelijck te/ bevestige(n) op goede borghen oft panden den/ rechte genoech sijnde Uutgesproken in cons(ili)[o]/ opidi p(rese)ntibus absoloens burg(imagistr)[o] oeghe s(u)bsti(tu)[to]/ burg(imagistr)[o] duffle hoeve(n) scabinis et plu(r)ibus aliis/ de consilio februarii xix
Nagekeken door: Greet Stevens
Moderator: Greet Stevens
Laatste update:: 2014-09-04 door Dieter Peeters