Nae dien dat op heden bijd(en) raide vand(er) stadt/ de mombours vand(en) heylige(n)gheeste van s(in)te/ geertrud(en) alh(ier) ind(er) stadt te weten(e) jan vand(en)/ heetvelde denijs laukens en(de) ande(re) ov(er)gegeve(n)/ hebben hue(r) meyni(n)ge bij gescrifte op alsulke(n) cedulle/ als jan ouderogge corts h(ier) te vo(r)en he(m) bijd(en) selve(n)/ raide ov(er)gegeve(n) hadde vand(en) diffe(re)nte dairaff/ zij in q(ue)stien staen bevi(n)den(de) de(n) selve(n) raidt datme(n)
//
dese sake alsnu niet beslicht(en) en conste mits/ absent(ie) van e(n)nig(en) die de voirs(creven) yerste gescrift(e)/ ond(er)hadd(en) soe heeft den selve(n) raidt dese mater(ie)/ gecontinueert en(de) uutgestelt tot des goensdaighs/ nae beloken(en) paessche(n) naistcomen(de) in des(en) v(er)sien/ op div(er)se innevallen die p(ar)tien nae des(en) maect(en)/ en(de) bezund(er) de voirs(creven) heyligheestmeest(er)s tegen/ willem(me) van lele compare(re)nde inden name/ des voirs(creven) jans datmen de halve ruggen/ en(de) ynden van alsulke(n) lee(r) als de heyligheestmeest(er)s/ voirs(creven) hadd(en) vand(en) selve(n) ja(n)ne als tot sijne(n) goed(en)/ geleydt wesen(de) sal bestellen inde merct van/ berge(n) naistcomen(de) om aldair tselve goet te v(er)copen(e)/ ten bisijne van beyd(en) p(ar)tien oft yema(n)d(e) van hue(re)n tweg(en)/ ende alsd(an) die pe(n)ni(n)g(en) alh(ier) stellen ond(er) wet tott(en)/ rechte en(de) d(er) gheend(er) die d(air) inne gericht sulle(n) wes(en)/ de sak(en) tusschen he(n) mett(er) mynne(n) oft rechte beslicht/ sijnde en(de) sal de voirs(creven) jan sijn huys mog(en) gebruke(n)/ staen(de) inde vetterie op alsoe dat hij de goed(en) dair/ inne wesen(de) ende bescr(even) sijnde niet mi(n)de(re)n en sal/ ende dairaff borchtocht stellen dair mede den/ selve(n) heylige(n)gheest te vrede(n) sal mog(en) wes(en) In/ cons(ili)[o] opidi martii penultima