Item want dit goet gegouden heeft drie pet(er)s/ erffelijck den pe(n)ninck xviii dairaen de voirs(creven) co(m)me(re)n/ gecort sijnde de ov(er)bate gedragen heeft acht/ pet(er)s x stuv(er)s eens ende twivel es vand(en) twee/ capuyne(n) erffelijck die dair meer plagen uut/ te gane oft die staen te gelden den ghene(n) die/ dair naist gelegen es uut saken van eene(n)/ wege die he(m) uut desen goeden gelaten soude/ sijn opden laste ende betalinge van den selve(n)/ twee cap(uynen) erffelijck oft nyet Soe es vorweerde/ ende ond(er)sproken eve(n) verre men bevi(n)t dat desen/ wech d(air)op niet erffelijck uutgegeve(n) en es mair/ dat dien sculdich es tot desen erve te blive(n) dat/ dan in dien gevalle de voirs(creven) coep(er) van des(en) erve/ en(de) sijn nacomelinge besitt(er)s vand(en) selve(n) erve bove(n)/ den voirg(eruerde) v(er)noemd(en) chijs sculdich sulle(n) sijn te drage(n)/ uut sake(n) vand(en) selve(n) wege dese selve twee cap(uynen)/ erffelijck d(er) voirs(creven) wairscap nyet tege(n)staen(de) en(de) sond(er)/ cortsel va(n)d(en) so(m)me(n) vand(en) coepe cor(am) eisd(em)