Want henrick van hockerzeele als man ende momboir/ m(ar)griete(n) vande(n) berghe weduwe jans wijle(n) tav(er)niers/ bried(er)s geleydt sijnde nae des(er) stadt recht voir/ sijn wettich gebreck uut crachte van scepen(en) brieve(n)/ van loven(e) tot allen den goeden beyde have en(de)/ erve reyniers dyntens en(de) lijsbette(n) sijnd(er) docht(er) soe/ wair die gelegen sijn ind(er) stadt van loven(e) oft bynne(n)/ d(er) vrijheyt d(er) selv(er) hem met gielise de vos vorste(r)/ van des(er) stadt alle deselve goede behoirlijck heeft/ doen leve(re)n en(de) den voirs(creven) reyne(re) dyntens en(de) pauwelse/ vand(en) dale als man en(de) momboir d(er) voirs(creven) lijsbette(n)/ dach van rechte te compare(re)n inde banck voir meye(r)/ ende scepen(en) van loven(e) doen besceyden oft zij hen/ tegen deselve leveri(n)ge hadde(n) willen oppone(re)n/ Aldair zij op heden als ten verstreken(en) daige/ nyet gecompareert en zijn noch oick procur(eur) van/ hue(re)n wegen hen dair tege(n) oppone(re)nde den voirs(creven)/ geleydden altijt compare(re)nde en(de) trecht voirt v(er)sueken(de)/ Soe v(er)re dat de scepen(en) van loven(e) t(er) manissen smeyers/ nae dat hen bij cleernissen des voirs(creven) vorst(er)s behoirlijck/ gebleken heeft de voirs(creven) leveri(n)ge en(de) dach besceydi(n)ge
//
gesciet te sijne gewesen hebben voir een vonnesse/ wair de wed(er)p(ar)tie des voirs(creven) geleydden nyet en/ compareert ten opstaen(e) smeyers en(de) d(er) scepen(en) datme(n)/ den selve(n) geleydden houden soude inde macht/ van sijne(n) beleyde scepen(en) brieve(n) ende leveringen/ alsoe v(er)re alst noch voir scepen(en) comen es In sca(m)pno/ maii xvii