Vand(er) aensprake(n) die henrick de hollande(re) gedae(n)/ heeft op ja(n)ne van ouckele als vande(n) coepe/ van eene(n) wagen(e) met vier peerde(n) getouwe/ en(de) toebehoirte(n) die de selve henrick tege(n) den/ voirs(creven) ja(n)ne van ouckele gecocht hadde soe de/ selve henrick seyde op zeke(re)n toeseggen(e) en(de)/ conditien soe deselve henrick seyde en(de) p(rese)nteerde/ te bewijsen wairt dat hij aen de p(eer)de gebreck/ vonde bynne(n) eene(n) zeke(re)n tijde voirde(r) dan d(air)af/ ind(er) come(n)scappe vermaent was dat dan den/ coep niet sijn en soude en(de) want hij soe hij seyde/ en(de) p(rese)nteerde te bewijsen d(air)aen (con)trarie d(er) come(n)scape(n)/ en(de) toeseggen(e) gebreck bevond(en) hadde soe susti/ neerde hij d(er) come(n)scapen ongehoud(en) te sijne/ en(de) dat de selve jan den selve(n) wage(n) en(de) p(eer)de/ wed(er) te neme(n) [soude] en(de) hem ontslaen en(de) quijt te scelde(n)/ vand(er) gelufte(n) die hij den selve(n) ja(n)ne d(air)voe(r)/ heeft gedaen met meer woirde(n) bij he(m) gealligeert/ Dair tege(n) de voirs(creven) jan ontkinnen(de) dbijlegge(n)/ des voirs(creven) henricx p(rese)nteerde selve te bewijse(n)ne/ dat de selve henrick als hij die cochte oft/ coepe(n) soude de peerde wage(n) en(de) toebehoirte(n)/ selve visenteerde en(de) besach en(de) dede die oick/ ande(re)n p(er)sone(n) visente(re)n en(de) besien alsoe vele/ en(de) luttel alst hem beliefde p(rese)nteerde voirts/ te bewise(n) dat ind(er) come(n)scape(n) geseeght mocht/ sijn quame den peerde(n) yet quaets aene bi(n)ne(n)/ twee oft drie dage(n) soe langhe jan die orbe(re)n/ soude dat dat op jans last sijn soude dat voirts/ henrick zed(er)t der leveri(n)gen hem geschiet va(n)d(en)/ selve(n) wage(n) en(de) peerde(n) des een maent was/ ten tijde vand(en) ov(er)geve(n) vand(en) int(er)rogatorien/ deselve georbert hadde en(de) dat die noch in sijne(n)/ bewinde wae(r) en(de) dat hij dat genoech in/ sijnd(er) aensprake(n) bekint hadde gedroechs hem/ oick jan tot sijne(n) scepen(en) br(ieven) dat hem henrick/ verloeft hadde in dien voe(r) de so(m)me van lxv/ rinsgulden(en) sond(er) enighe exceptie oft conditie/ dat sij voirts vande(n) sci(m)melen p(eer)de dair gebreck
//
/ in was met malcande(re)n ov(er)comen wa(r)en en(de) dat/ deselve jan henricke d(air)voe(r) betaelt hadde des/ gij hem eyschste en(de) dat dat gebreck den selve(n)/ p(eer)de ae(n)come(n) was nade(n) coep vande(n) selve(n) en(de)/ eer jan van onckele die gelev(er)t hadde hope(n)de/ wair hij dese pointe(n) aldus gethoene(n) conste dat/ hij der ae(n)sprake(n) ongehoude(n) soude sijn Op/ dwelck henrick ger(e)pliceert en(de) jan va(n) onckele/ gedupliceert hebbe(n)de en(de) p(ar)tien in weersijden/ tot hue(re)n thoene gewijst sijnde henrick luttel/ oft niet gethoent en heeft dienen(de) tot sijn sijnd(er) geluften/ en(de) de voirs(creven) jan meeste deel sijn v(er)mete(n) pointe(n)/ volcomelijck gethoent heeft soe v(er)re dat scepen(en)/ ind(er) sake(n) gemaent gewijst hebbe(n) met vonnesse/ dat de voirs(creven) henrick de hollande(re) met zijnd(er)/ aensprake(n) opden voirs(creven) ja(n)ne verdoelt is cor(am)/ om(n)ib(us) scab(inis) dempto pynnock septembr(is) xiiii