SAL7384, Act: V°160.1-R°161.1 (279 of 1043)
Search Act
previous | next
Act V°160.1-R°161.1  
Act
Date: 1490-10-05

Transcription

2019-01-30 by fernand BERTRAND
Item henrick de groote molde(r) in p(rese)ntia heeft/
genome(n) en(de) bekindt genome(n) te hebben(e) van ja(n)ne/
crane(n) en(de) marien mutte de wat(er)molen mette(n)/
toebehoirte(n) gelege(n) te vlierbeke aend(en) wouwe(r)/
hen toebehoire(n)de Te houde(n) te hebbe(n) ende te/
gebruycken van s(in)te jansmesse lestlede(n) eene(n)/
t(er)mijn van sesse jae(re)n lanck due(re)nde deen/
nae dand(er) sond(er) middel v(er)volgen(de) Elcx jairs/
d(air)enbynne(n) om en(de) voe(r) vierthien mudden/
rocx d(er) maten van loven(en) en(de) alsulken goet/
als de moelen sal wynne(n) te betalen(e) tallen/
vie(re)ndeel jairs tvie(re)deel d(air)af quol(ibe)t ass(ecu)[tu(m)]/
Item es voirweerde dat de voirs(creven) molde(r) oft/
hem geliefde sal moege(n) afsceyden te drie/
jae(re)n en(de) deselve moele(n) opsegge(n) en(de) desgelijcx/
selen oick de voirs(creven) jan en(de) marie oft hen geliefd(e)/
moege(n) afsceyde(n) te drie jae(re)n en(de) selve moele(n)/
den voirs(creven) molde(r) opseggen It(em) es oick voirw(eer)de/
dat de voirs(creven) molde(r) de voirs(creven) moele(n) sal/
moete(n) houde(n) van allen gaen(de) ende rue(re)nde/
wercke en(de) de voirs(creven) jan en(de) marie van alle(n)/
staen(de) wercke(n) It(em) sal de selve molde(r) voir elke(n)/
duym steens dien hij verslite(n) sal moete(n) geve(n)/
en(de) betalen ten afsceyden(en) twee croene(n) te xxiiii/
stuv(er)s tstuck tres pl(a)c(cas) pro stufe(r)o It(em) sal de molde(r)/
opde voirs(creven) moele(n) tzijne(n) vordele stelle(n) eene(n)/
steen den welken hij sliten sal moege(n) tzijnd(er)/
beliefte(n) en(de) den selve(n) steen tzijne(n) afsceyden(en) te/
hemw(er)t neme(n) oft den voirs(creven) ja(n)ne en(de) marien/
dien late(n) te weten(e) elke(n) duym d(air)af voir twee/
croene(n) gelijck voirs(creven) steet alsoe als hij metens/
wert es It(em) sal de molde(r) noch sculdich zijn/
te betalen(e) in afslaghe vande(n) pachte voirs(creven)/
m(ijn) hee(re) den abdt van vlierbeke jairlijcx zijne(n)/
t(er)mijn due(re)nde twee mudde(n) desgelijcx oick/
in afslage als voe(r) eene(n) rinsgulden(en) erfflijck/
m(ar)griete(n) borremans en(de) xiii stuv(er)s den stroedecke(r)/
It(em) m(ijn) hee(re) van vlierbeke sal moegen vissche(n)/
eens des jairs acht dage lanck den wouwe(r)/
bove(n) de moele(n) liggen(de) dwelck den molde(r)
//
gheene(n) afslach doen en sal ende oft lang(er) gebuerde/
dat selen jan en(de) marie voldoen nae gelande/
vanden tijde It(em) sal moegen de molde(r) steygen/
dwat(er) van s(in)te m(er)tensmesse tot half m(er)te tot zijne(n)/
profijte It(em) oft de molde(r) enige nootelike rep(ar)acien/
dede doen aende staen(de) wercke dat selen jan en(de)/
marie hem voldoen ende afcorte(n) van zijne(n) pachte/
It(em) oft gebuerde dat den dijcke bij steygen(en) vand(en)/
molde(r) uuytbrake soe sal de voirs(creven) molde(r) gehoud(en)/
sijn dien te makene en(de) oick den wech voe(r) de mole(n)/
opde strate te maken(e) tzijne(n) laste It(em) sal de voirs(creven)/
molde(r) gehoude(n) sijn te betalen(e) den koeke te vlierbeke/
op den jairs avont It(em) de voirs(creven) molde(r) sal moege(n)/
sette(n) inde voirs(creven) moelen eene(n) hove(n) den welken/
jan en(de) marie voirs(creven) sculdich selen sijn te betale(n) Ende/
alle dese vorweerden (et)c(etera) cor(am) duffle hoeve(n) octobr(is)/
v[ta]
ContributorsGreet Stevens
Moderated byGreet Stevens
Last update: 2014-09-02 by Dieter Peeters