Want wout(er) boeg(aer)t als geleydt nae des(er) stadt/ recht voir sijn wettich gebreck uut crachte van/ scepen(en) brieve(n) van loven(en) tot allen den goeden/ beyde have en(de) erve pet(er)s vande(n) heetvelde/ pasteybeck(er)s soe wair die gelegen sijn ind(er) stadt
//
van loven(en) oft bynne(n) d(er) vryheit d(er) selv(er) hem met joese/ peysman vorst(er) van des(er) stadt alle deselve goede/ behoirlijck heeft doen leve(re)n en(de) den selve(n) pete(re)n/ dach van rechte te compare(re)n inde banck voir meye(r)/ en(de) scepen(en) van loven(en) doen besceyden oft hij hem d(air)/ tegen hadde willen oppone(re)n Aldair hij op heden/ als ten verstreken(en) daige niet gecompareert en is noch/ procur(eur) van zijne(n) wegen hem d(air)tegen oppone(re)nde/ den voirs(creven) geleydden altijt compare(re)nde en(de) trecht/ voirt versueken(de) Soe hebben scepen(en) van loven(en) t(er) maniss(en)/ smeyers nae dat de voirs(creven) joes peysman vorst(er) be/ hoirlijck gecleert heeft de voirs(creven) leveri(n)ghe en(de) dach/ besceydinghe geschiet te sijne gewesen voir een vonnisse/ wair de wed(er)p(ar)tie des voirs(creven) geleydden niet en com/ pareert ten opstaen(e) smeyers en(de) der scepen(en) datmen den/ selve(n) geleydden houde(n) soude inde macht van/ sijne(n) beleyde scepen(en) brieve(n) en(de) leveri(n)gen alsoe v(er)re/ alst noch voir scepen(en) comen es In scampno octobr(is)/ xii