Nae dien dat op heden inde banck voe(r) meye(r)/ en(de) scepen(en) van loven(en) willem lobbe als procur(eur) van/ jouffr(ouwe) marien sangwijns weduwe jans wijlen/ mott(ens) geleyt sijnde tot allen den goeden jans mottens/ huers soens te kynne(n) heeft gegeve(n) hoe dat de deselve/ jouffr(ouwe) marie uut crachte van scepen(en) brieve(n) van/ deiling(en) hadde en(de) houden(de) was op thoff goed(en) en(de)/ land(en) geheete(n) thoff van meylem wijlen huers/ soens en(de) staen(de) en(de) wesen(de) nu in hand(en) he(re)n jans/ marotton priest(er) sesse mudd(en) terwen sesse mudd(en)/ weysinx en(de) een sist(er) raepsaets lijfpen(sien) d(air)van sij/ in gebrek(e) was van voir jae(re)n lestlede(n) hopen(de)/ dat vand(en) twee yerste jae(re)n voe(r) dorloge gevalle(n)/ sij vernueght soud(en) werd(en) en(de) vand(en) ande(re)n/ twee leste jae(re)n vand(er) orlogen bynne(n) den welke(n)/ dat de divisien in des(en) land(en) geweest hadd(en)/ en(de) alsoe deselve h(er) jan cortsel soud(e) moge(n) v(er)sueke(n)/ oft in dien vand(en) selve(n) rint(en) ongehoud(en) wesen/ d(air)af p(rese)nteerde hij te doene gelijck ande(re) bove(n)/ en(de) beneden soud(en) mogen oft na gelegentheid(en)/ d(er) scaden en(de) gelijck men and(er)ssins soud(e) moge(n)/ in dien bevi(n)den behoe(re)nde hopen(de) dat hij dair/ mede gestaen soude en(de) dat hem inden name/ als bove(n) de gelev(er)de goed(en) voirs(creven) d(air)voe(r) volg(en)/ soud(en) Dair tegen de voirs(creven) h(er) jan met sijne(n)/ procur(eur) will(em)me van lele compare(re)nde heeft/ doen seggen dat hij meynde van allen den/ jae(re)n te reken(e) en(de) cortsel te hebben(e) na grootheid(en)/ der lasten en(de) scaden die hij geled(en) hadde uut/ saken vand(er) orloge(n) voirled(en) die zee(r) groot wae(re)n/ als dat hem niet moegelijck en wa(r)e de co(m)me(re)n/ voirs(creven) en(de) ande(re) d(air)uut gaen(de) te betalen(e) gelijck/ men dat bevi(n)den soud(en) niet te min op dat willem(me)/ geliefde en(de) sijnd(er) meesterssen hij wae(r) te vrede(n)
//
te doene gelijck ande(re) boven en(de) beneden soud(en) doen/ vand(en) geheele(n) tachterheid(en) voirs(creven) hopen(de) dair mede/ te gestaene dair tegen de voirs(creven) procur(eur) meynde/ neen en(de) bezund(er) vand(en) twee yerste jae(re)n voe(r) de orlog(e)/ gepasseert d(air)af hij sustineerde dat hij van dien/ betaelt soud(e) werd(en) als bove(n) en(de) vand(en) ande(re)n hoepte/ hij met sijnd(er) p(rese)ntacien te gestaene als dat scepen(en)/ des gemaent sijnde bijden meye(r) na alt(er)cacien van/ p(ar)tien genoech gebuert ind(er) manie(re)n voirs(creven) gewes(en)/ hebben voir een vonnesse dat de wed(er)p(ar)tie van/ will(em)me lobbe sculdich sal sijn den selven betalinge/ te doen(e) vand(en) rint(en) voirs(creven) de twee jae(re)n voe(r) dorloge/ gevallen oft bewiseniss(en) van dien oft dat hem ind(en)/ name als bove(n) de gelee(n)de goed(en) volgen sullen/ om tott(er) selv(er) betaling(en) te comen(e) met coste en(de) co(m)me(r)/ in dien gedaen opde p(rese)ntacie vand(en) ande(re)n twee/ jae(re)n d(air)van bij he(m) gep(rese)nteert In scampno octobr(is) xix