Want arnt hanckart die uuyt crachte van scepen(en)/ brieve(n) van loven(en) ov(er)lang gepasseert houden(de) ende/ besitten(de) es twee croene(n) erffelijck vallen(de) jairlijcx/ opten xiii dach van julio aen en(de) op de goede/ naebescreve(n) wilen toebehoiren(de) ghijsbrechte vand(er)/ h(er)straten en(de) katlijne(n) colcx zijnd(er) huysvrouwe(n) te/ weten(e) aen en(de) op een huys en(de) hoff mett(er) schue(re)n stalle(n)/ wi(n)nen(de) lande(n) en(de) bossche d(air)aen gelege(n) en(de) allen den/ ande(re)n toebehoirte(n) houden(de) tsame(n) vier en(de) een half/ boende(re)n oft dair omtrint gelege(n) inde prochie van/ kyesekem inde strate gaen(de) vand(en) kercken van kyesekem/ te thiene(n) weert tussche(n) deselve strate t(er) eenre den/ bosch wout(er)s vand(er) heyden en(de) dlant jans cleynvrancke/ t(er) ande(re) en(de) de goede der curen van kyesekem in/ beyde dande(r) zijden hem alle deselve goede heeft/ doen leve(re)n met brieve(n) van des(er) stadt gescreve(n)/ aende(n) meye(r) van halen oft zijne(n) stadhoude(r) te kyeseke(m)/ en(de) den erfgename(n) des voirs(creven) wijle(n) ghijsbrechts/ van h(er)strate(n) dach van rechte te compare(re)n inde/ banck voe(r) meye(r) en(de) scepen(en) van loven(en) doen besceyde(n)/ oft zij hen d(air)tegen hadden willen oppone(re)n Tot/ welken dage als op heden dienen(de) de voirs(creven) erfg(enamen)/ noch procur(eur) van hue(re)n wegen gecompareert en/ zijn noch en is de voirs(creven) arnt trecht voirt/ versueken(de) soe v(er)re dat de scepen(en) van loven(en) ter/ manissen smeyers gewesen hebben voir een/ vonnesse nae dat hen behoirlijck gebleken heeft/ bij c(er)tificatien ond(er) den zegel smeyers van kyeseke(m)/ de voirs(creven) leveri(n)ge en(de) dach besceydinge geschiet te/ sijne wair de wed(er)p(ar)tie des voirs(creven) arnts nyet en/ compareert ten opstaen(e) smeyers en(de) d(er) scepen(en) datme(n)/ den voirs(creven) arnde houd(en) soude inde macht van/ sijne(n) scepen(en) br(ieven) en(de) leveri(n)ge(n) alsoe v(er)re alst noch voir/ scepen(en) come(n) es In scampno nove(m)br(is) xiii