SAL7384, Act: V°380.3-R°381.1 (699 of 1044)
Search Act
previous | next
Act V°380.3-R°381.1  
Act
Date: 1491-03-03

Transcription

2020-03-03 by fernand BERTRAND
Item tusschen henr(icke) van bruess(el) becke(r) ind(en) crauwel/
die gebacken en(de) gelevert heeft tspijnde broot/
gespijnt voir de ziele vand(er) weduwen vrancx/
wijle(n) symoens uut laste van katlijne(n) weduwe/
jacops wijle(n) vand(er) eycken docht(er) desselfs wijlen/
vrancx en(de) h(er)mants loema(n)s die getrouwet heeft/
de docht(er) van eene(n) vand(en) soene(n) oft dochte(re)n desselfs/
wijle(n) vrancx t(er) eenre en(de) d(er)selv(er) weduwe(n) en(de) h(er)man(ne)
//
t(er) ande(re) Es geappointeert en(de) gecleert aengaen(de)/
den seve(n) rinsgulden(en) die sij den selve(n) becke(r)/
d(air)aff sculdich sijn want sij meynden te gestaene/
elck met sijne(n) paerte dwelck nochtan nyet/
gereet en was en(de) de becke(r) oick sond(er) volle/
betalinge nyet ae(n)neme(n) en woude dat deselve/
weduwe en(de) h(er)man hen soe sterck maecte(n) ende/
aen willem(me) hue(re)n mede erfgename(n) soe vele/
deden dat sij sijn gedeelte gecrege(n) ende dat sij/
van heden in drie weken den selve(n) becke(r)/
geheelijck vernuechd(en) vand(en) selve(n) seve(n) rinsguld(en)/
oft neen sij soud(en) ond(er) hen beyden hem d(air)aff moete(n)/
vernueghen ten selve(n) daige al wairt dat sij/
den selve(n) willem(me) d(air)toe niet en conste(n) gebringe(n)/
noch niet van hem en conste(n) gecrijge(n) Act(um) cor(am)/
hove burg(imagistr)[o] et c(er)t(is) aliis de cons(ili)[o] martii t(er)cia
ContributorsGreet Stevens
Moderated byGreet Stevens
Last update: 2014-09-04 by Dieter Peeters