Vand(er) questien ende gescille uutstaen(de) tusschen/ zege(re)n sluysmans aenlegge(r) t(er) eenre zijden ende/ henricke jans verweerde(r) t(er) ande(re) aengaen(de) d(er)/ bet(er)nissen bijde(n) selve(n) zege(re)n de(n) selve(n) henrick(e)/ geeyscht vand(en) injurien die hij hem soude hebbe(n)/ gedaen ind(er) clachte(n) en(de) informatien die deselve/ henrick ov(er) zege(re)n gedaen ende gegeve(n) soude/ hebben Ierst aende(n) meye(r) van houthem dair in/ zeg(er) hem quijt gedingt hadde in dien tegen/ den selve(n) meye(r) Ende ten ande(re)n male noch/ bove(n) dien aende diene(re)n vand(en) drossete van/ brabant van dat deselve zeger den selve(n)/ henr(icke) sijn thiende genome(n) en(de) ontvoert soude/ hebben en(de) des d(air)aen cleeft hebben hen deselve/ p(ar)tien gesubmitteert en(de) verbonde(n) in segge(re)n/ ende mynlike yeffene(re)n te weten(e) de voirs(creven) zeg(er)/ in ja(n)nese blocx en(de) vrancke(n) gielis ende de/ voirs(creven) henrick in henrick(e) suetmans en(de) pete(re)n/ vand(er) molen In sulk(er) voeg(en) dat de segg(er)s op/ dat sijs eens sijn oft in gebreke van dien de/ scepen(en) van loven(e) opden wijn opde infor(ma)tie/ en(de) thoen van p(ar)tien die zij ond(er) hebben hue(r) uut/ sprake doen sulle(n) bynne(n) acht daige(n) naistc(omende)/ Promitten(tes) rat(um) cor(am) lyefkenrode hoeve(n) martii/ xi