SAL7384, Act: V°490.2 (875 of 1044)
Search Act
previous | next
Act V°490.2  
Act
Date: 1491-05-11

Transcription

2020-11-03 by fernand BERTRAND
Item her henrick vande(n) waeyenb(er)ghe prieste(r) renu(n)c(ians)/
heeft gehuert en(de) bekint gehuert te hebben(e) tegen jacoppe(n)/
en(de) meeste(re)n thomaese van moerssele gebruede(re)n eene(n)/
viver alsoe die gelegen es te ov(er)ijssche neve(n) vrancx/
mole(n)plas huys en(de) hoff Te houde(n) en(de) te hebbe(n) van/
s(in)te m(er)tensmesse lestlede(n) a(n)no negentich Eene(n) t(er)mijn/
van nege(n) ja(r)en lang due(re)nde deen nae dand(er) zond(er)/
middel vervolgen(de) Elcx jairs dae(re)nbynne(n) om en(de)/
voe(r) zesse pet(er)s te xviii stuv(er)s tstuck s(in)te m(er)tensmesse/
te betalen(e) den voirs(creven) gebruede(re)n jairlijcx den voirs(creven)/
t(er)mijn due(re)nde Ende es ond(er)sproken dat de voirs(creven)/
her henrick de da(m)men vand(en) dijcke vand(en) wouwe(r)/
niet hebben en sal noch d(air)inne begrepen en sijn/
mair dat de voirs(creven) gebrued(er)s dit te henw(er)ts/
behoude(n) hebben It(em) es voirt vorw(er)de dat deselve/
h(er) henrick den voirs(creven) vive(r) ten leste(n) ja(r)e vand(en)/
voirs(creven) t(er)mijne bloot van visschen laten sal en(de) des/
sal hij den selve(n) vive(r) ten selve(n) leste(n) ja(r)e sculdich/
sijn scoen gemaict te laten It(em) de voirs(creven) gebruede(re)n/
hebben gekint ende gelijdt dat hem de voirs(creven)/
her henr(ick) v(er)nuegt en(de) betaelt heeft vand(en) twee yerst(en)/
ja(r)en va(n)d(en) voirs(creven) t(er)mijne te weten(e) xci en(de) xcii Ende alle/
dese vorw(er)d(en) (et)c(etera) cor(am) eisd(em)/
/ Addendum/
Jacop en(de) meest(er) thomaes/
van moerssele gebruede(re)n/
hebbe(n) gekint dat her/
henr(ick) vand(en) waeyb(er)ge/
hen betaelt en(de) v(er)nueght/
heeft vanden derden/
ja(r)e vand(en) t(er)mijne/
te weten(e) van sinte/
m(er)tensmesse a(nn)[o] xciii/
... Act(um) maii xiiii/
a(nn)[o] xcii
ContributorsGreet Stevens
Moderated byGreet Stevens
Last update: 2014-09-04 by Dieter Peeters