Vand(er) questien en(de) geschille(n) wesen(de) tusschen estiene/ de digon als man en(de) momboir van marien wed(uw)[e]/ henricx wijlen de vilroux t(er) eenre en(de) wille(m)me
//
van vilroux sone jans welck jan brued(er) was/ des voirs(creven) wijlen henr(icx) t(er) ande(re) om d(er) vercregen/ goede(n) wille in vollen stoele tusschen den voirs(creven)/ wijle(n) henr(icke) en(de) zijnd(er) weerdynne(n) nu wettich wijff/ des voirs(creven) stevens die welke de selve steve(n) meynde/ met zijne(n) wive voe(r) deen helicht in erfrechte te/ besitten en(de) moege(n) vercoepe(n) gemerct dat sij vand(en)/ selve(n) henr(icke) hue(re)n voirman gheen wettich oer behoude(n)/ en hadde en(de) alsoe versocht d(air)af vande(n) voirs(creven) willem(me)/ deylinghe en(de) scheydinge om he(m) mett(er) selv(er) helicht/ te moege(n) behulpe(n) en(de) dand(er) helicht in tochte sijns wijfs/ leefdage te besitten(e) d(air)aff de voirs(creven) willem bij divers(en)/ reden(en) sustineerde de (con)trarie en(de) des dien aencleeft/ hebben he(m) deselve p(ar)tie gesubmitteert in segge(re)n en(de)/ vrindelijcke(n) yeffene(re) te weten(e) in jaq(ue)marde le/ charlier en(de) benoit andrieu scepen(en) van meillerieu/ In sulker vuegen dat elck p(ar)tie sijn meyni(n)ge voirs(creven)/ en(de) reden(en) d(air)toe dyenen(de) in gescrifte ov(er)geve(n) sal/ den voirs(creven) scepen(en) die d(air)af hue(r) uutsprake doen sulle(n)/ op dat zijs eens sijn oft and(er)s een vonnesse d(air)af halen/ aen scepen(en) van loven(en) om den wijn al bynne(n) acht/ daige(n) naistcomen(de) cor(am) kersmake(re) vynck octob(ris) xiiii