Nae dien dat op heden alh(ier) bijde(n) raide wed(er)om/ zijn gecompareert de scepen(en) van boesvael t(er) eenre/ tege(n) ja(n)ne pierot t(er) ande(r) zijde(n) in hachten alh(ier)/ wesen(de) begeren(de) ende versueken(de) navolgen(de) d(er)/ t(er)mi(n)atien tusschen hen en(de) de(n) selve(n) ja(n)ne gegeve(n)/ januarii xii lestlede(n) bynne(n) des(er) came(re)n ger(e)gistreert/ staen(de) hue(r) coste(n) van rechte ende oick die hij/ verseten hadde te boesvael gevange(n) wesen(de) uut/ saken d(air)aff deselve t(er)mi(n)atie mentie maect en(de)/ dat deselve pierot afdoen soude alsulcke(n) hachting(en)/ als hij ontslagen wesen(de) uuyt(er) vroent(en) va(n) boesvael/ voirs(creven) d(air) hij hem uuyt gehulpe(n) hadde bij middele/ van dier va(n)d(er) gaerde(n) als hij genoech kinde gedae(n)/ hadde op e(n)nig(en) vand(en) selve(n) scepen(en) te weten(e) b(er)narde/ piet(er) ond(er) tgericht en(de) banck van genepien om d(er)/ selv(er) sak(en) wille ende om he(m) en(de) de ande(re) huer/ medebrued(er)s aldair ombehoirlijck te vervolge(n)/ d(air)op de voirs(creven) jan pierot luttel oft niet en wiste/ tantwerden(e) nae dien de materie hem int/ lange verhaelt was genoech bekynnen(de) de voirs(creven)/ handeling(en) navolgen(de) d(er) voirs(creven) t(er)mi(n)ac(ien) geschiet/ te sijne geven(de) te kynne(n) als poirte(r) van des(er) stadt/ dat de voirs(creven) wet alsoe hij seyde hem gheen expeditie/ van rechte en hadde willen doen d(air)op de selve/ seyden datmen dat alsoe nu(m)mermee(r) bevi(n)den/ en soude seggen(de) oick wes men op hem procedeerde/ oft alh(ier) in hachten hielt dat hijs nyet te betalen/ en hadde met ande(re)n vremden manie(re)n die de/ selve pierot in des(en) hielt Es get(er)mineert h(ier)op/ bijd(er) wet geledt sijnde ende de voirs(creven) yerste/ t(er)mi(n)ac(ie) oversien wesen(de) dat zij bleve(n) bij dynhout
//
d(er) selv(er) ende dat deselve jan nae alle voirgeschiede/ nissen voe(r) zijn ontslach opleggen ende betalen soude/ oft den moet d(air)af crigen vanden ghene(n) diet aenghinc/ vanden costen Inde selve t(er)mi(n)atie geruert ende/ dat deselve tasten ende gelove(n) soude inde hant/ vande(n) borg(er)meest(er) te voldoene alsulke(n) t(er)mi(n)atie van/ zijne(n) mesgrijpe bij he(m) in dien gedaen tegen den/ selve(n) scepen(en) van boesvael en(de) d(air)af behoirlijcke cautie/ stellen oft den moet vand(er) stadt in dien hebben/ voir sijn ontslach metgad(er)s den costen bij hem/ ind(er) vroente(n) alh(ier) versete(n) Ende dat deselve jan/ sculdich sal sijn den selve(n) b(er)narde piet(er) en(de) ande(re)n/ zijn medebrued(er)s scepen(en) van boesvael ongemoet/ te laten vand(en) hachten en(de) vervolghe in rechte/ bij he(m) corts gedaen ende begonne(n) ond(er) genepie/ voirs(creven) behalve(n) oft hij de(n) selve(n) b(er)narde oft dande(r)/ scepen(en) voirs(creven) yet te eysschen hadde het wa(r)e van/ injurien oft dat zij he(m) trecht weyg(er)den soe hij/ seid(e) oft van ande(re)n stucken desen aengaen(de) dat/ hij dat volge(n) soude alh(ier) bijde(n) raide om p(ar)tien gehoirt/ d(air)inne te geschien alsoe behoe(re)n soude In cons(ili)[o]/ opidi martii q(ua)rta