Item desen voirs(creven) schultbrieff es bekint te dier/ meyni(n)gen soe verre de voirs(creven) jan van espent oft/ sijn goede dair voe(r) verobligeert vand(en) hollansguld(en)/ erffelijck die den heylige(n)geest van wesemale/ heffende es op eene(n) beempt geheete(n) den eertwech/ allen den voirs(creven) p(er)soene(n) tsame(n) toebehoiren(de) gelege(n)/ opden eertwech ond(er) rotselair voirde(r) van nu/ voirtaene tot enig(er) tijde toecomen(de) gepraemt oft/ belast wordde dan voir sijn zeste gedeelte vand(en)/ selve(n) hollansgulden(en) erffelijck dat hij al tgene des/ hij d(air)aff om sijn goede te salve(re)n d(air)af voirde(r) betale(n)/ moeste dan tselve sijn zeste gedeelte en(de) de coste(n)/ die bij gebreke van zijnd(er) betalinge(n) in dien dair/ uut rijsen mochten mette(n) voirs(creven) beki(n)ne aend(er) voirs(creven)/ beki(n)ners live en(de) goede verhale(n) en(de) neme(n) soude/ moege(n) met allen coste(n) laste(n) scade(n) en(de) int(er)este(n) die/ hij oft sijn goede bij gebreke va(n) betali(n)ge(n) der ande(re)n/ vijff gedeelte(n) voirs(creven) lijde(n) oft sustine(re)n mochten/ in enig(er) manie(re)n Dat oick deselve jan metten/ selve(n) beki(n)ne hem sal moege(n) behulpen tallen/ tijden alst hem gelieft om hem en(de) sijn goede va(n)d(en)/ selve(n) ande(re)n vijff gedeelte(n) der erfrinte(n) voirs(creven)/ geheelijck gelost te wordden en(de) ontlast e(m)mer als/ hij bereet es van sijne(n) zesten gedeelte voirs(creven) tgelijcke/ te doene cor(am) eisdem