Nae dien dat symoen symoens maerscalck/ in rechte heeft betoge(n) bijden raide va(n)d(er) stadt m(er)ten/[vacat] den welken hij sijn huys geheeten/ theenken staen(de) inde proefstrate v(er)huert hadde/ te kersmesse lestlede(n) die jair lanck tsjaers/ om twintich rinssche gulden(en) bege(re)nde d(air)af/ betalinghe te hebben(e) van x rinssche gulden(en)/ alsoe vele hij tselve voir thalff jair hue(re)nde/ was dair tegen de voirs(creven) m(er)ten dede segge(n)/ als dat hij hoepte te gestaen(e) met lichte(n) gelde/ te voirde(r) want hijt ten tijde vande(n) lichten/ gelde gehuert hadden dair tegen de voirs(creven)/ symoen replice(re)nde sustineerde neen ende/ bezund(en) want de hueri(n)ghe als nu s(in)t janss(mess)[e]/ lestleden gevalle(n) was Es geappointeert en(de)/ uutghesproken bijd(er) wet dat de voirs m(er)ten/ symoen(en) sculdich sal sijn te betalen(e) de voirs(creven)/ x rinssche gulden(en) dair questie af is in gelde/ nu loop hebben(de) d(air)af zij met malcande(re)n ov(er)come(n)/ soud(en) om bynne(n) r(e)delik(en) cortte(n) t(er)mijne(n) die te betalen(e)/ ende uut te reyken(e) in cons(ili)[o] opidi julii xxiii