Tusschen ja(n)ne dompmartin baillu va(n) ha(n)nut/ t(er) eenre en(de) ja(n)ne de kersmake(re) als man ende/ mo(m)boir magdalene(n) natuerlijcke docht(er) lijsbette(n)/ vand(en) broecke met joese van rotselaer zijne(n)/ procur(ator) t(er) and(ere) opde clachte(n) bijd(er) selve(r) tweest(er)/ p(ar)tien ov(er) den voirs(creven) baillu gedaen van gebreke/ van execucien van dat hij drie versueck/ br(ieven) gehadt hadde aen den selve(n) baillu om/ d(en) selve(n) ja(n)ne dompmartin te bedwingen/ tott(er) voldoeni(n)ge(n) en(de) bewijssenisse(n) van sesse/ rinssche gulden(en) lijfpen(sien) dair de selve baillu/ p(rese)nteerde vande(n) eene(n) br(ieve) vande(n) vier rinssche/ gulden(en) lijfpen(sien) d(air) zij selve principael af was/ want deen lijf doot was en(de) oick een va(n)d(en)
//
borghe(n) dat hij zoe goede(n) inde stadt vanden/ aflivige(n) borghe stelle(n) woude hoopen(de) dairmede/ dien aengaen(de) te ghestaene te voirde(re) want de/ verloopen pachte(n) betaelt wae(re)n totte(n) leste(n) valdach/ toe en(de) hij bereet was en(de) p(rese)nteerde alle de costen/ voe(r) deselve vier rinssche gulden(en) en(de) den ande(re)n/ twee d(air)voe(r) hij borghe was geheelijck te betalen/ en(de) aengaen(de) den selve(n) ande(re)n tweeguld(en) seyde/ de tweeste p(ar)tie voirs(creven) dat den eene(n) van dien/ afgeleecht es en(de) hughe borghet principael/ van dien hadde gheloeft den ande(re)n oick af/ te legge(n) en(de) soude dat gedaen hebben ts(in)te/ jansmesse lestlede(n) alsoe dat deselve jan de/ kersmake(re) d(air)aff gheen vesticheyt oft borghe/ inde stadt vande(n) aflivighe(n) neme(n) en dorste/ Es geappointeert dat deselve baillu aengaen(de)/ den vier rinssche gulden(en) d(air)af hij selve p(ri)ncipael/ es ter stont noeme(n) sal den borghe dien hij inde/ stadt vande(n) aflivighe(n) stelle(n) wilt om de(n) selve(n)/ ja(n)ne he(m) d(air)op te moege(n) berade(n) en(de) dat deselve/ baillu de(n) selve(n) ja(n)ne contente(re)n sal t(er) stont/ van alle(n) den wettige(n) costen bij he(m) in desen/ uuytgeleecht en(de) d(air)enbove(n) eene(n) goede(n) rede/ lijcke(n) borghe d(air)mede deselve jan te vrede(n)/ sal moege(n) zijn bringe(n) bynne(n) xiiii nachte(n) naist/ comen(de) voe(r) deselve vier rinssche gulden(en)/ lijfpen(sien) en(de) alsdan salmen oick beslichte(n) de q(ue)stie/ vand(en) aflegge(n) vand(en) ande(re)n rinssche gulden(en)/ d(er) twee rinssche gulden(en) lijfpen(sien) voirs(creven) In (con)s(ili)[o]/ opidi julii xxiii