Item her peet(er) vand(er) moelen priest(er) als procur(eur) vand(en)/ mo(m)bo(r)en d(er) kinde(re)n willems wijle(n) maes aengesproken/ sijnde inde banck voir meye(r) ende scepen(en) van loven(e)/ van he(re)n woute(re)n zweerts als pater ende confessoer/ vand(en) goidshuyse van xi[m] meechde(n) opde halfstrate/ om afgedaen te hebben(e) alsulke(n) sesse rinsgulden(en) erffelijck/ alse deselve p(ate)r meer bevond(en) heeft gaen(de) uut(er) h(er)berge(n)/ geheete(n) de drie crone(n) gelege(n) inde dorpstrate te loven(e)/ dan de voirs(creven) wijle(n) willem maes die tande(re)n/ tijden arnde wijle(n) bone ende sijne(n) wive a(n)no lxxxvi/ augusti vi[ta] als deselve willem en(de) jouffr(ouwe) katlijne/ vand(er) werf sijn weerdi(n)ne die goede den selve(n) arnde/ en(de) sijne(n) wive erffelijck voir scepen(en) van loven(e) uutgave(n)/ dan dwairscap dat deselve wille(m) ende sijn wijff/ de(n) selve(n) arnde ende sijne(n) wive d(air)af alsdoen deden/ begrijpt heeft dach genome(n) tege(n) den selve(n) pater/ om h(ier)aff te adv(er)te(re)n de r(e)levante(n) die soe hij meynde/ voirts sculdich wa(r)en dese sesse rinsgulden(en) erffelijck/ af te neme(n) te cuelen ende te dragen ende dan te/ antw(er)d(en) ind(er) saken soe den raet gedrage(n) sall/ op van in dijsendaige naistcomen(de) ov(er) acht daig(en)/ te mistijde In scampno cor(am) om(n)ibus dempt(is) lyefke(n)rode/ hoeve(n) junii iiii[ta]