Want nae dien arnt van vroenhoven als procur(eur) jouffr(ouwe)/ m(ar)grieten wittema(n)s weduwe joes wile(n) alsoloens nae/ des(er) stadt recht voir sijn wettich gebreck uut crachte/ van scepen(en) brieve(n) van loeven(en) comen ende geleydt es/ tot allen den goeden have ende erve willems scats
//
soe wair die gelege(n) zijn joh(ann)es van nuwe(n)borch/ oic als procur(eur) der voirs(creven) weduwe(n) hem met brieven/ van des(er) stadt gescreve(n) aende meyers van buedingen oft/ hue(r) stedehouders alle de selve goede behoirlijck heeft/ doen leve(re)n ende den selve(n) willem(me) dach van rechte/ alhier te compare(re)n inde banck voir meye(r) ende/ scepen(en) van loven(en) oft hij hem d(aer)tegen hadde willen/ oppone(re)n doen bescheyden Aldair hij op hede(n) als ten/ geco(n)tinueerde(n) daghe van rechte niet gecompareert/ en es noch nyema(n)t van zijne(n) wege(n) den voirs(creven) joh(ann)ese/ van nuwenborch als p(ro)cur(eur) der voirs(creven) weduwe(n) compare(re)nde/ ende trecht voirt versueken(de) soe hebben de scepen(en)/ van loeven(en) ter manisse(n) smeyers nae dat hij behoirl(ijck)/ heeft gebleke(n) bij resc(ri)pte m(er)tens van mulstede meyers/ jonch(e)r willems van colen te buedi(n)gen de voirs(creven)/ leveri(n)ge ende dachbescheydi(n)ge behoirlijck geschiet te/ zijne vonneslijck gewijst hebbe(n) datmen den selve(n)/ joh(ann)ese van nuwe(n)borch inden name als voe(r) vand(en)/ voirs(creven) goeden houde(n) soude inde macht vand(en) voirs(creven)/ beleyde scepen(en) brieve(n) ende leveri(n)gen alsoe v(er)re/ alst noch voir scepen(en) come(n) es in scampno januarii/ xiiii