Nae dien jan scockincx ende arndt van meerbeke als geleyt/ nae des(er) stadt recht voir hue(re)n wettich gebreck uuyt cracht/ van scepen(en) brieven van loeven(en) tot allen den goeden beyde/ have ende erve jans wijlen huene wair die gelege(n) zijn/ voirmaels met brieve(n) van des(er) stadt gescreven aen den/ meye(r) van he(re)nt oft zijne(n) stadhoude(r) te thieldonck alle/ de selve h goede [he(m)] hebbe(n) doen leve(re)n oft den bring(er) vande(n)/ selve(n) br(ieve) in hue(re)n name ende p(ar)tien namelijck der wed(uwe)/ des voirs(creven) wijlen jans huene dach van rechte alhier te/ comp(ar)e(re)n oft zij d(aer)tegen yet hadde(n) wille(n) allige(re)n bescheid(en)/ es geweest ende uut(er)lijck mits hue(re)r absen(tie) en(de) continuac(ien)/ den selve(n) geleidde(n) de selve goede octobris xxv lestlede(n)/ vo(n)nislijck aengewijst werdde(n) bij scepen(en) van loeven(en) ter/ manissen des meyers Welck vo(n)nis de selve weduwe/ purge(re)nde heeft doen stille staen en(de) retracte(re)n tot nu/ onlancx toe altijt meynen(de) hue(r) goede met rechte te/ verantwerden(e) Ende want zij uut(er)lijck op heden alse/ ten verstreken(en) daige van rechte niet gecomp(ar)eert en/ es bij hue(r) selve(n) noch oick bij procur(eur) van hue(re)n wege(n)/ en(de) de voirs(creven) geleidde trecht in desen versocht hebben/ Soe hebben de schepen(en) van loeven(en) ter manissen des/ meyers alnoch gewesen voir een vo(n)nis wair de/ wederp(ar)tie der voirs(creven) geleidd(en) niet en compareerde(n) voe(r)/ den opstane des meyers en(de) scepen(en) dat men de(n) selve(n) geleidde(n)/ houde(n) soude inde macht va(n) van hue(re)n [beleidde] scepen(en) en(de) leveri(n)ge alsoe/ verre alst noch voir scepen(en) come(n) es in scampno maii xix