Item is tusschen den voirs(creven) janne van berthem bauduwijne he(n)ry/ ende jouffr(ouwe) lijsbetthe(n) zijn huysvr(ouwe) in erfvoerweerde(n)/ ondersproke(n) aengaen(de) den xxxiiii r(ins)gul(den) erfelijck
//
die de selve jan van berthem op der selv(er) gehuysschen/ deyling(en) heeff en(de) es dat in alsoe verre de selve/ gehuyssche(n) aen de wouwers in hue(r) deylinghe(n) beg(ri)pe(n)/ schade leden van gemeyne(n) orloge ende anders niet/ dat dan de selve jan den selve(n) gehuyssche(n) dair af cortsel/ doen zall gelijck men doen sal boven ende benede(n)/ cor(am) eisdem