Item is voirts tusschen alle de voirs(creven) p(er)sone(n) ondersproke(n)/ ende hebben elck hue(re)r deen den ande(re)n gelooft aengaen(de)/ den co(m)me(re)n ende laste(n) in hue(r) deyling(en) begrepe(n) ende/ de welck zij en(de) elck hue(re)r tot hue(re)n g laste genome(n)/ hebbe(n) ende alnolch mits des(er) neme(n) dat in alsoe verre/ de selve co(m)me(re)n ende lasten van tijde te tijden niet/ betaelt en wae(re)n oft dat deen om des anders gedeelte/ schade lede in e(n)nig(er) manie(re)n de selve die alsoe/ beschadich oft belast soude moege(n) wordde(n) de om/ des anders gedeelte wille(n) de selve schade(n) cost(en)/ en(de) laste(n) sal moege(n) verhalne(n) opde(n) selve(n) alsoe/ gebreckelijck wesen(de) ende hem altijt tot zijnder/ beliefte(n) doen ontheffen ende ontlasten cor(am) eisdem