Want joh(ann)es jacobi die als procur(eur) he(re)n gielis van/ lynthe(r) co(n)ventuael inde(n) godshuyse van arschot priesters/ nae des(er) stadt recht voir sijn wettich gebreck uut/ crachte van scepen(en) brieve(n) van loven(en) nad(er) selv(er) stadt/ recht voir sijn wettich gebreck comen ende geleydt/ es tot alle(n) den goeden beyde have ende erve/ jehan do(m)martin soe wair die gelege(n) zijn hem/ met brieve(n) van des(er) stadt gescreve(n) aenden meye(r)/ van lynshain oft zijne(n) stadhoude(r) alle de selve/ goede behoirlijck heeft doen leve(re)n ende den selve(n)/ janne do(m)martin dach van rechte alhier te (com)pare(re)n/ inde banck voir meye(r) ende scepen(en) van loven(en)/ doen bescheyde(n) oft hij hem d(aer)tege(n) hadde wille(n) oppone(re)n/ Aldair hij op hede(n) niet gecompareert en es den voirs(creven)/ geleydden compare(re)nde ende trecht voirt versueken(de)
//
soe hebbe(n) de scepen(en) van loeven(en) t(er) manissen/ smeyers nae dat hen behoirlijck heeft gebleke(n) bij/ rapporte wout(er)s van boene(n)rode des(er) stadt bode/ de voirs(creven) leveri(n)ge ende dachbescheydi(n)ge gesciet/ te zijne vonneslijck gewijst datme(n) den selve(n)/ geleydde(n) vanden voirs(creven) goede(n) houde(n) soude inde/ macht van zijne(n) beleyde scepen(en) brieve(n) ende/ leveri(n)gen alsoe verre alst noch voir scepen(en) come(n) es/ in scampno januarii xiiii