Nae dien op hede(n) comen es inde banck voir/ meye(r) ende scepen(en) van loeven(en) jan donckermans/ die alhier bescreve(n) hadde janne verhoeghde(n) poirte(r)/ van des(er) stadt voir alsulke ix pet(er)s als de selve/ poirte(r) hem sculdich was ende voirghinc opde/ vrijheyt vand(er) selv(er) zijnd(er) poirterien D(aer)aff den/ dach op heden als tot eene(n) geco(n)tinueerden daghe/ dienende was om in rechte te procede(re)n ende/ vand(er) selv(er) zijnd(er) schult aen te spreke(n) nae uutwijse(n)/ van des(er) stadt brieve(n) aende(n) selve(n) poirte(r) gescreve(n)/ Aldair de voirs(creven) poirte(r) niet en compareerde/ versueken(de) alsoe de selve jan donckerma(n)s trenvoy/ t(er) plaetsse(n) dair dat behoirde p(rese)nte(re)nde nochtan/ deselve jan den voirs(creven) poirte(r) aen te spreke(n) in/ alsoe verre hij gecomp(ar)eert hadde Es gewesen/ bijd(en) scepen(en) ter manissen smeyers geliefde/ den voirs(creven) janne donckerma(n)s sijn p(rese)ntatie/ te doen teeken(en) dat hij dat doen mochte en(de)/ hadde hij dae(re)ntinde(n) enich gebreck dat hij dat/ soude moege(n) volge(n) bijd(en) borg(er)meest(er) soe dat/ behoirt in scampno januarii xiiii