Aengaen(de) den tabb(ar)de ende ande(re)n porceelen/ van haeflijcken goed(en) en(de) vliegen(de) erve die lijsbeth/ van thiene(n) weduwe arnts wijle(n) boone beg(er)de/ over te hebben van henr(icke) bone en(de) henr(icke) van/ raveschote den tabb(ar)t d(er)selv(er) lijsbette(n) toebehoiren(de)/ ende ten huyse des voirs(creven) henr(ix) van raveschote/ gebracht en(de) dand(er) goede voirs(creven) gebleve(n) ende/ verstorve(n) nae de doot jans wijle(n) g(er)licx sweere/ des voirs(creven) van raveschote en(de) oudervader des/ voirs(creven) wijle(n) arnts ond(er) den selve(n) van raveschote/ en(de) henr(icke) bone wesen(de) e(r)v(er)? tgedeelte dat deselve lijsbeth/ soe voir huer selve(n) soe inden name van hue(re)n/ kinde(re)n d(aer)aff sculdich wae(re)n te hebben en(de) insgelijcx/ gebleven nae de doot henricx wijle(n) boone vad(er)/ des voirs(creven) wijle(n) arnts en(de) henr(ic) sustinee(r)de dat/ dat alsoe sculdich was te geschied(en) te voird(er) want/ al hadden zij dat dicwijle v(er)socht en(de) al hadd(en)/ p(ar)tien d(aer)op te meer stonden v(er)gadert geweest bij/ ordina(n)t(ien) vand(er) stadt en(de) and(er)s en was dat noch/ niet geschiet Dair tege(n) henr(ick) en(de) henrick antw(er)d(en)/ seyden dat dair mede de goede mans te weten(e)/ meest(er) reyner van lyefkenrode en(de) joh(ann)es vasont/ bij ov(er)drage vand(er) stadt gevroet hadd(en) geweest/ ende rekeni(n)ge d(aer)op gehadt d(aer) bevond(en) was/ dat de weduwe tacht(er) was sesse rinsguld(en)/ van geleende(n) gelde en(de) dat ald(aer) genoech bij (con)sente
//
hinc inde geordin(er)[t] was die goede te blive(n) in hue(re)n/ handen tot dat deselve schult betaelt soude/ zijn niet te min hij henrick van raveschote/ hadde scepen(en) brieve(n) die hij tot grot(er) cost die/ hij v(er)huedt hadde t(er) executien hadde moege(n)/ stelle(n) soe dat sij meynd(en) d(aer)aff niet te derve(n) sceyd(en) De wed(uw)[e]/ met hue(re)n vrinde(n) dat ontkynnen(de) de contrarie/ sustine(re)nde te voird(er) want sij p(rese)nteerde loffelijcke cautie/ den rechte genoech sijnde te stellen om te betale(n)/ en(de) inne te staen(e) voir tgheene des men bevi(n)den/ mochte d(aer)af tacht(er) oft sculdich te wesen Alsoe/ dat hierop uutgesproken es datme(n) ae(n)hoire(n) sal/ meest(ere)n reyne(r) en(de) joh(annes) vasont op des voirs(creven) steet/ om die gehoirt dair inne gedaen te wordden/ des behoe(re)n sal en(de) dat d(er) voirs(creven) weduwen den/ voirs(creven) tabbart ende hue(r) gedeelte(n) en(de) hue(re)r kinde(re)n/ gedeelte vand(en) ande(re)n ae(n)gestorven(en) goed(en) voirs(creven) volge(n)/ sal opde p(rese)ntacie en(de) settinge vand(er) cautien voirs(creven)/ en(de) dat hierop verhoude(n) en(de) gescorst sal wordde(n)/ alle voirde(r) procedue(r) van rechte in cons(ilio) opidi/ p(rese)ntibus pynnock burg(imagistr)[o] absoloens tymple scab(inis)/ et plu(ri)b(us) aliis de cons(ili)[o] februarii xvii