Item jan wout(er)s sone wijlen pet(er)s ende jan goessens/ sone wijle(n) jans sijn zwag(er) in p(rese)ntia hebben genome(n)/ en(de) bekint genome(n) te hebben van aelbrechte tants als/ rintmeest(er) ind(en) name en(de) van wegen des groote(n) heylige(n)/ gheest van loeven(en) ten bijsijne met wille weten(e) ende/ consente lodewijcx vand(er) borch substitud jans va(n)/ buetsele borg(er)meest(er)s d(er) stadt van loeven(en) raes van/ grave(n) (christ)iaen de nausnyde(re) en(de) pet(er)s van yssche/ als momboirs vand(en) selve(n) heylige(n)gheeste vand(er) selv(er)/ stadt wege(n) d(aer)toe geordineert thoff desselfs heylige(n)geests
//
gelegen te glabbeke metten wi(n)nen(de) land(en) beempde(n)/ boeg(ar)den vive(re)n en(de) allen den ande(re)n toebehoirte(n) gelijck/ en(de) in ald(er) manie(re)n henr(ic) jans tselve tot h(ier)toe gehoud(en)/ heeft Te houden te hebben te wynne(n) te werve(n) van/ nu voirtaene eene(n) t(er)mijn van zesse jae(re)n lanck due(re)nde/ deen nae dand(er) sond(er) middel v(er)volgen(de) elcx jairs/ d(aer)enbynne(n) te weten(e) de voirs(creven) wi(n)nen(de) landen om/ en(de) voe(r) vive(n)veertich mudde(n) rocx goet en(de) payabel/ cu(m) va(n)no et pe(n)na b(e)n(e) p(re)p(ar)ate mensu(r)e lovanien(sis) tsinte/ andriesmesse apostels te betalen(e) en(de) te loeven(en) ind(en)/ heylige(n)geest te leve(re)n Met vorweerd(en) dat de wynne(n)/ voirs(creven) vanden yersten jae(r) gestaen zullen halff met/ roggen en(de) half met g(er)sten ende de voirs(creven) beemden/ en(de) eeusselen ende boeg(ar)den elcx jairs om en(de) voe(r)/ de so(m)me van vive(n)vijftich rinsgulden(en) te xx stuv(er)s/ tstuck tsinte m(er)tensmesse te betalen(e) en(de) te loeven(en)/ te leve(re)n jairlijcx den voirs(creven) t(er)mijn due(re)nde Ende/ voirts opde conditien en(de) vorweerd(en) nabescreven/ te weten(e) dat de voirs(creven) wynne(n) de voirs(creven) wi(n)nen(de)/ lande(n) wi(n)nen werve(n) en(de) mesten zulle(n) gelijck/ reengenoeten bove(n) en(de) beneden en(de) die alle drie/ jae(re)n eens ov(er)mesten ende die laten thue(re)n afscheyden(en)/ gelijck reengenoeten It(em) dat de voirs(creven) wynnen/ sullen gehoude(n) sijn alle de wegen en(de) wat(er)loepen/ aende voirs(creven) goede liggen(de) tond(er)houd(en) te veegen/ en(de) te ruymen als des van noode sijn sal als dat/ den heylige(n)geeste d(aer)bij gheen scade en come en(de) oft/ gebuerde datme(n) die scade aen hen v(er)halen sal/ en(de) de beemde(n) ryolen maeyen en(de) etten gelijck dat/ gewoenlijck es Ende oft de voirs(creven) wi(n)nen enige/ scade leden van tempeeste oft gemeyne(n) orloeghe/ d(aer)aff sal den heylige(n)geest den wi(n)nen recompense(re)n/ gelijck ande(r) bove(n) en(de) benede(n) It(em) es vorweerde dat/ de voirs(creven) wi(n)nen hebben sullen te twee jae(re)n een/ tabbart laken van drie ellen oft drie pet(er)s dair
//
voe(r) Ende des sullen zij gehouden sijn den heylige(n)geeste/ te weyen een ruynt dwelck deselve heylige(n)gheest hen/ leve(re)n sal Ende de voirs(creven) wi(n)nen sullen moege(n) neme(n)/ hue(r) redelike berri(n)ge aende voirs(creven) goede t(er) mi(n)ster scad(en)/ dair hen de rintmeest(er) dat bewijsen sal alsoe v(er)re alst/ thouwmes reycken mach behalve(n) dat zij gheene(n) sacht/ hebben en sulle(n) inde opgaen(de) boeme It(em) alle de v(er)droeghde/ boome(n) opde goede vallen(de) sullen de wi(n)nen moegen/ te henw(er)ts neme(n) mair des sullen sij gehouden sijn twee/ poten te setten vanden selven sape It(em) es vorweerde dat/ de voirs(creven) wynne(n) leve(re)n sullen alle jae(re) den t(er)mijn due(re)nde/ vierhondert walms goet en(de) cusbaer om de huysinghe/ vand(en) selve(n) hove d(aer)mede te decken(e) It(em) de huysinge vand(en)/ hove sullen de wynne(n) sculdich sijn tond(er)houden(e) vand(er)/ und(er)ster rijckelen ned(er)w(er)t op hue(re)n cost ende alsmen/ int tselve hoff dect plect oft mest oft enige ande(r)/ rep(ar)atie van ouden wercke doet dan sullen de wi(n)nen/ den wercluden den montcost geve(n) en(de) den heylige(n)geest/ sal de dachue(re)n betalen Ende de wi(n)nen sullen sculd(ich)/ sijn alle de stoffe diemen d(aer)toe orbe(re)n sal aen te halen/ op hue(re)n cost It(em) es vorw(er)de soe wa(n)neer de rintmeest(er)/ vand(en) heylige(n)gheeste oft yemant van sijne(n) wegen int/ voirs(creven) hof comen sal dat de wynne(n) hen alsdan den/ montcost geve(n) sullen en(de) oick hue(re)n p(er)den Desgelijcx/ sullen deselve wi(n)nen en(de) hue(r) p(er)de den montcost/ hebben te loeven(en) ind(en) heylige(n)gheest als sij ald(aer) come(n)/ sullen It(em) es vorw(er)de dat de voirs(creven) wynne(n) de/ voirs(creven) vivers ond(er)houden sullen en(de) slappe(re)n veegen/ en(de) ryolen vijff voeten breydden ind(en) vivers gelijck/ zij die bevonden hebben en(de) den lesch maeyen jairlijcx/ ind(en) mey en(de) die laten gespijst te hue(re)n afscheyden/ gelijck zij die nu aenveert hebben Inde est fideiussor/ d(i)c(t)oru(m) colonoru(m) henricus jans d(i)c(t)us scoemakers/ co(m)mor(ans) apud glabbeke p(re)d(i)c(tu)m et duo p(ri)mi En(de)/ alle dese vorweerden conditien en(de) geluften (et)c(etera)/ cor(am) hermeys nausnyde(re) m(ar)tii xvii