Nae dien aelbrecht tants inde banck voir meye(r)/ en(de) scepen(en) als geleydt tot allen den goeden beyde/ have ende erve willems wijle(n) vande(n) hove/ hem deselve goede hadde doen leve(re)n voe(r) sijn/ gebreck ond(er) rotselair en(de) p(ar)tien dach doen bescheid(en)/ en(de) ond(er) den ande(re)n machtelde vand(er) haert mairte/ des voirs(creven) wijle(n) willems hopen(de) ter conclusien nae/ dien hij sijn bescheit hadde doen lesen dat hem/ deselve goed(en) volgen soud(en) voir sijn wettich gebrec/ die hij p(rese)nteerde te verificeren(e) Dair tege(n) ond(er)/ dande(r) compareerde h(er) willem vand(er) eycken als/ procur(eur) d(er) voirs(creven) machtelt seggen(de) ond(er) den ande(re)n/ dat de voirs(creven) aelbrecht die scult sculdich was/ te contenteren(e) te voirde(r) want zij alle de goed(en)/ will(el)me toebehoiren(de) tot rotselair hadde doen co(m)me(re)n/ en(de) raste(re)n voe(r) huer schult te weten(e) voir pijne/ ende arbeyde en(de) ande(r) wettige sculd(en) die deselve/ willem huer tacht(er) en(de) sculdich bleve(n) es Dwelck/ de voirs(creven) aelbrecht ald(aer) gep(rese)nteert heeft te doene/ voir alle vonness(en) te weten(e) sgheens des deselve/ machtelt soud(e) moege(n) houd(en) ten heylige(n) datme(n)/ huer wettelik(er) sculdich was van willems/ wegen voirs(creven) van pijne en(de) arbeyde en(de) niet voirde(r)/ sond(er) dair e(n)nich beledt inne te doene Dwelck/ de procur(eur) voirs(creven) aenvert heeft en(de) genome(n) dach/ om deselve machtelt te bringen(e) voe(r) recht alh(ier)/ op in donderdage naistcomen(de) om de voirs(creven) scult/ te verificeren(e) d(aer)mede deselve aelbrecht te vred(en)/ es geweest in scampno aprilis vii