Item jouffrouwe margriete weerdynne goirts vanden/ berghe oft willem van leefdale huer procur(eur) heeft/ op heden voir meye(r) ende scepen(en) met rechte gethoent
//
een metalen verwaren vierpa(n)neken afgepandt inde/ fonteyne vanden goeden dair inne wesen(de) toebehoiren(de)/ joese peysman voir huyshue(r) vanden selve(n) huyse ende/ heeft de selve jouffr(ouw) bij voirgaen(de) vo(n)niss(en) van scepen(en)/ hue(re)n vorste(r) te weten(e) janne de putte(re) hier op geleydt/ ende oick g(er)de van thienen als bode te p(er)de vand(er) selv(er)/ stadt die gecleert hebben bij eede tot hue(re)n versueke/ die pendigen en(de) voe(r) huyshue(r) gedaen te hebben/ ende zij bijden scepen(en) vo(n)niss(en) ter manissen smeyers/ heeft hue(r) scult vander selver huyshue(r) te kersmisse/ lestleden verschenen ende van dier tijt ombetaelt/ uuytstaen(de) sonder des zedert geloopen heeft ende/ alnoch loopt gecleert bij eede te gedragen acht r(insch)/ gul(den) sonder de costen inder saken geloopen Wair op/ scepen(en) gemaent gewijst hebbe(n) met vo(n)nisse dat de/ jouffr(ouw) de gepande pande vercopen ende ten hoechsten/ bringen sal hue(r) gebreken d(aer) aen nemen Bij alzoe/ oft die niet genoech en wae(re)n dat zij voirts volgen/ ende panden sal met rechte overt dair yet dat/ zijt wederkee(re)n zall cor(am) assche sub(stitu)[to] vill(icus) hove/ naus(nydere) scabinis maii xvii