Want arnt van vroenhove(n) als procur(eur) jans/ meylarts geleydt zijnde nae des(er) stadt recht/ voir sijn wettich gebreck uut crachte van scepen(en)/ brieve(n) van loeven(en) tot allen den goeden beyde/ have ende erve rombouts willemair vleeschouw(er)s/ soe wair die gelegen sijn ind(er) stadt van loeven(en)/ oft bynne(n) d(er) vrijheyt d(er) selv(er) hem met ja(n)ne bereyn/ vorste(r) van des(er) stadt alle deselve goede behoirlijck/ heeft doen leve(re)n ende den voirs(creven) romboute dach/ van rechte te compare(re)n inde banck voir meye(r)/ en(de) scepen(en) van loeven(en) doen besceyden oft hij hem/ tegen deselve leveringe hadde willen oppone(re)n/ Aldair hij op heden als ten verstreken(en) daige/ nyet gecompareert en es noch oick procur(eur) van/ sijne(n) wegen den voirs(creven) geleydden altijt compa/ re(re)nde en(de) trecht voirt versueken(de) soe v(er)re dat/ de scepen(en) van loven(en) ter manissen smeyers nae/ dat hen bij cleernissen des voirs(creven) vorsters behoirlijc/ gebleken heeft de voirs(creven) leveri(n)ge ende dach/ besceydinge gesciet te zijne gewesen hebben voir/ een vonnesse Wair de wed(er)p(ar)tie des voirs(creven)/ geleydden nyet en compareert ten opstaen(e)/ smeyers en(de) d(er) scepen(en) datmen den selve(n) geleyd(en)/ houde(n) soude inde macht van sijne(n) beleyde/ scepen(en) brieve(n) en(de) leveringe(n) alsoe v(er)re alst noch/ voir scepen(en) comen es in scampno junii ix