Nae dien willem van assche meye(r) van loeven(en) in/ absen(tie) he(re)n lodewijcx pynnox ridd(er)s inde banck voir/ meye(r) ende scepen(en) van loven(en) aengesproken heeft willem(me)/ lambrechts als gevange(n) man van eene(n) banduyne die/ deselve willem lambrechts v(er)boert soude hebben dair/ voe(r) deselve willem en(de) oick want hij bove(n) seke(r)/ gelufte(n) en(de) eede den meye(r) van hev(er)le ontbroken/ was ende ontloepen uut sijnd(er) hachten en(de) oick/ voir de principael schult van sesse mudd(en) corens/ die hij meeste(re)n joese couckeroel sculdich was ende/ opde(n) selve(n) banduyn geloeft hadde in hachten/ was hopen(de) dat hij willem gehoude(n) soude blive(n)/ tot dat hij p(ar)tien en(de) den selve(n) banduyn hadde/ voldaen Dair tege(n) deselve willem antwerden(de)/ niet int principael gaff te kenne(n) hoe bynne(n)/ acht dage(n) geleden zeke(r) handelinge(n) inde banck
//
voir meye(r) ende scepen(en) van loven(en) hadde(n) geweest/ des(er) aengaen(de) tusschen den voirs(creven) meye(r) van loven(en)/ willem(me) van assche als aenlegge(r) t(er) eend(er) en(de) willem(me)/ van leefdale als procur(eur) des voirs(creven) willems lambr(echts)/ verweerde(r) t(er) ande(re) om des voirs(creven) banduyns wille/ d(aer) gewijst was dat willem van leefdale gehoud(en)/ soude sijn den voirs(creven) willem(me) lambrechts selve in/ p(er)sone te doen come(n) oft woude hij die sake v(er)antw(er)d(en)/ dat hij selve soude moete(n) inne staen voir tghene/ dair willem lambrechts sijn meest(er) inne geduempt/ soude wordde(n) Welken acht(er)volgen(de) hij willem/ lambrechts met sijne(n) vriend(en) soe vele gedaen hadde/ aend(en) voirs(creven) willem(me) van assche als meye(r) die de sake/ vand(er) heerlicheyt wege(n) begonne(n) hadde te bedinge(n)/ dat hem deselve meye(r) uutstel gedaen hadde/ om den voirs(creven) vonnesse ind(en) eene(n) oft ande(re)n genoech/ te sijne tot des sat(er)daighs des heden xv dagen/ leden sijn bynne(n) middele van welken tijde de meye(r)/ van heverle was come(n) ten huyse mijns he(re)n van/ gheete inde heyligheeststrate dair de voirs(creven) wille(m)/ lambrechts inne was en(de) woende ende hadde/ dair den selve(n) willem(me) lambrechts uutgehaelt/ met fortseliken manie(re)n dwelck he(m) in dese/ goede stadt soe nyet en betaemde al mocht hij/ dair bij hem hebben willem(me) claes vorste(r) die dair/ hem inne nyet en mesdroech noch gheen feytelickh(eit)/ en bedreef Van welken uutstelle deselve willem/ lambrechts den voirs(creven) willem(me) van assche meye(r)/ sulck hielt dat hij he(m) des gestaen soude en(de) gheenss(ins)/ willen ontvallen hij willem gaff oick te kynne(n) en(de)/ boot te bewijsen de feytelike enterprinse(n) en(de) executien/ bijd(en) voirs(creven) meye(r) van hev(er)le hier bynne(n) des(er) stadt/ d(aer) sijn officie noch executie nyet en sleet begaen/ ind(en) aentast vangen en(de) aenverd(en) des voirs(creven) wille(m)s/ buyten en(de) uut sijne(n) bivange nyet te myn hij
//
sustineerde voir sijn conclusie gem(er)ct p(ri)ncipalic/ den uutstel voirs(creven) bynne(n) den welken den selve(n)/ ombehoirlijck(er) aentast aen hem gedaen es geweest/ en(de) dat dien contarie den p(ri)vilegien vand(en) lande/ was gesciet gem(er)ct al wairt van crisme datmen/ nyeman(de) besund(er)t ind(en) principale(n) steden sond(er) (con)sent/ vand(en) wethoud(er)s uute(n) sijne(n) oft uut ande(r) huysen/ halen en mach ende men ande(re)n reden(en) (con)sidereert/ dat hij ontslagen soude wordde(n) vand(en) selve(n) om behoirlijck(er) hachten Te voirde(r) want men bevi(n)den/ soude alse int principael come(n) soude dat hij vand(en)/ banduyne nyet sculdich en was en(de) dat de scult/ betaelt en(de) voldaen was dairop dien banduyn/ gestelt was Den meye(r) (contra)rie houden(de) nochtan genoech/ bekennen(de) duytstel bij he(m) gedaen oick dat den/ aentast gedaen mocht sijn bynne(n) den tijde va(n)d(en)/ selve(n) uutstelle mair seyde dat de p(art)tie diet ae(n)cleefde/ en(de) den aentast d(aer)enbove(n) mocht hebbe(n) doen doen/ dair hij nyet aff en hadde weten te spreken noch/ consent inne gedragen en hadde mette(n) uutstelle bij/ he(m) gedaen niet te vreden en hadde willen wesen/ Soe v(er)re dat de scepen(en) van loven(en) t(er) manissen smeyers/ met hue(r)en vonnesse dese sake gestelt hebben ind(er) stadt/ handen en(de) t(er) stadt t(er)mi(n)atien alleene oft den aentast/ voirs(creven) te rechte es oft en es den reden(en) voirs(creven) hinc inde/ gem(er)ct ende den raidt vand(er) stadt trappoirt/ hieraff uuyte(n) scepen(en) monde aengehoirt heeft/ en(de) oick dairop heeft hoe(re)n spreken mijne(n) hee(r) den/ meye(r) van loven(en) he(re)n lodewijcke pynnock ridde(r) die/ genoech bekinde den banduyn ov(er)lanck voldaen te/ sijne en(de) oick t(er) ande(r) sijden hoe willem lambrechts/ hadde doe(n) p(rese)nte(re)n cautie en(de) borchtocht te stellen nae/ recht genoech sijnde van rechts te plege(n) alhier/ t(er) stont van dage te dage en(de) oick van te voldoen(e)/ tgheene des claes giel(is) meye(r) van hev(er)le oft oick
//
meest(er) joes couckeroel oft yemant and(er)s he(m) uut/ saken van desen sullen conne(n) afgewynne(n) Es/ geappointeert en(de) uutgesproken eve(n)verre deselve/ willem deselve cautie alsoe stelt dat hij d(aer)op va(n)d(en)/ hachten ontslagen sal wordden in cons(ili)[o] opidi junii/ ix