Want joh(ann)es van nuwenborch als procur(eur) he(re)n/ machiels absoloens ridd(er)s geleydt sijnde nae/ des(er) stadt voir sijn wettich gebreck uut crachte/ van scepen(en) brieve(n) van loven(en) tot allen den goeden/ beyde have en(de) erve andries kerckast(er) laureys/ en(de) andries kerckast(er) gebruede(re)n soene(n) des voirs(creven)/ andries soe wair die gelegen sijn hem met/ brieve(n) van des(er) stadt gescreve(n) aenden meye(r) van/ hev(er)le oft sijne(n) stadhoude(r) tot berthem alle deselve/ goede behoirlijck heeft doen leve(re)n en(de) den voirs(creven)/ p(er)sone(n) dach van rechte te compare(re)n inde banck
//
voir meye(r) ende scepen(en) van loven(en) doen besceyden/ oft zij hen tege(n) deselve leveri(n)ge hadden willen oppone(re)n/ Aldair zij op heden als ten verstreken(en) daige niet/ gecompareert en sijn noch procur(eur) van hue(re)n wege(n)/ den voirs(creven) geleydden altijt compare(re)nde ende trecht/ voirt versueken(de) soe v(er)re dat de scepen(en) van loven(en)/ t(er) manissen smeyers nae dat hen bij rappoirte en(de)/ cleernissen giel(is) eveloeghe d(er) stadt bode behoirlijck/ gebleken heeft de voirs(creven) leveringe en(de) dach besceydi(n)ge/ gesciet te sijne gewesen hebben voir een vonnesse Wair/ de wed(er)p(ar)tie des voirs(creven) geleydden niet en compareert/ ten opstaen(e) smeyers en(de) d(er) scepen(en) datmen de(n) selven/ geleydden houd(en) soude inde macht van sijne(n) beleyde/ scepen(en) brieve(n) en(de) leveringen alsoe v(er)re alst noch voir/ scepen(en) comen es in scampno nove(m)br(is) xxvi