Want jan de buyse(re) die als man ende mo(m)boir/ machteld(en) vand(en) cloeste(re) zijnd(er) huysvrouwe(n) uut crachte/ van scepen(en) brieve(n) van loeven(en) ov(er)lang gepasseert/ houdende en(de) besittende es de hellicht van elf stuv(er)s/ erffelijck alle jae(re) te kersmesse te betalen(e) ende/ oic tvie(re)ndeel van eene(n) rinsgulden(en) erffelijck alle/ jae(re) tsint jansmesse te betalen(e) aen ende op de goede/ hier nae bescreve(n) Te weten(e) aen ende op vijff/ vie(re)ndeel beempts gelege(n) te rotselair inde plaetsse/ geheete(n) de hellicht tussche(n) de goede gheerts lederbijls/ ende de goede lijsbette(n) pelsmakers It(em) aen ende/ op drie vie(re)ndeel beempts hellicht wi(n)ni(n)ge gelege(n)/ inde voirs(creven) plaetsse tussche(n) de goede jans wijlen/ opden berch ende henricx wolfs Item aen ende/ op een half dachmael beempts hellicht wi(n)ni(n)ge/ gelege(n) aldair inde voirs(creven) plaetsse naist den goede(n)/ loenijs wijle(n) tsluyters Item aen ende op i(½) dach(mael)/ lants gelegen t(er) heyde(n) opt velt geheete(n) trodelant/ tusschen de goede gielis van kessele ende sbeghijnhoefs/ van arsschot hem met brieve(n) van des(er) stadt/ gescreven aenden drossete van rotselair oft zijne(n)/ stadhoude(r) alle de selve goede behoirlijck heeft doen
//
leve(re)n ende janne vand(er) stoct ende ande(re)n [pechtene(re)n desselfs ja(n)s] dach van/ rechte alhier te compare(re)n inde banck voir meye(r)/ ende scepen(en) van loeven(en) oft hij hem d(aer)tegen hadde wille(n)/ oppone(re)n doen bescheyden Aldair hij op hede(n) als/ ten geco(n)tinueerde(n) daghe van rechte niet geco(m)p(ar)eert/ en es den voirs(creven) janne de buyse(re) inden name als/ voe(r) compare(re)nde ende trecht voirt versueken(de) soe/ hebbe(n) de scepen(en) van loeven(en) t(er) manissen smeyers nae/ dat hij behoirlijck heeft gebleke(n) bij rapporte wout(er)s/ van boene(n)rode des(er) stadt bode tvoirs(creven) exploit behoirl(ijck)/ geschiet te zijne vonneslijck gewijst datmen den/ selven janne de buyse(re) inden name als voe(r) vande(n)/ voirs(creven) goede(n) houden soude inde macht van zijne(n) scepen(en)/ brieve(n) leveri(n)gen alsoe verre alst noch voir scepen(en) come(n)/ es in scampno januarii xiiii