Want jan tax die uut crachte van scepen(en) brieven/ van loeven(en) nae der selv(er) stadt recht voir sijn wettich/ gebreck comen ende geleydt es tot allen den goeden/ beyde have ende erve gheerts wijle(n) hoelma(n)s ende/ jans hoelmans zijns zoens soe wair die gelegen/ zijn hem met brieven van deser stadt gescreven/ aenden drossete van keerb(er)ghe oft zijne(n) stadhoude(r)/ alle deselve goede behoirlijck heeft doen leve(re)n/ ende der weduwen des voirs(creven) wijle(n) gheerts ende/ den voirs(creven) janne hoolma(n)s dach van rechte te compare(re)n/ inde banck voir meye(r) ende scepen(en) van loeven(en)/ oft zij hen dairtegen hadden wille(n) oppone(re)n doen
//
besceyden Aldair zij op heden als ten verstreken(en)/ daghe niet gecompareert en zijn noch nyema(n)t/ van hue(re)n wegen den voirs(creven) geleydden altijt/ compare(re)nde en(de) trecht voirt versueken(de) soe/ hebben de scepen(en) van loeven(en) t(er) manissen smeyers/ nae dat hen behoirlijck heeft gebleken bij resc(ri)pte/ vrancx cleymans drossete van keerb(er)ghe de voirs(creven)/ leveringe ende dachbesceydinge behoirl(ijck) gesciet/ te zijne vonneslijck gewijst datmen den selve(n)/ geleydden vanden voirs(crven) goeden houden soude inde/ macht van zijne(n) beleyde scepen(en) brieve(n) en(de) leveri(n)g(en)/ alsoe verre alst noch voir scepen(en) comen es in/ scampno januarii xix