Item pira willemair woenen(de) te gemblours inden yngel/ ter eender ende jaquemijn coyx [cop] onder gemblours woenen(de)/ ter ande(re) in p(rese)ncia hebben gekint dat zij met malcande(re)n/ veraccordert zijn aengaen(de) der schue(re)n die de selve jaquemijn/ aenveert en(de) afgevuert hadde van zijnder erve(n) te savenyers/ gelegen dair op de voirs(creven) pira erfelijck heeft een mudde/ corens mate van gemblours Welcke af vue(re)n de selve/ pira meynde tonrecht gedaen te zijne en(de) ger(e)pareert te/ wordden(e) te voirde(r) mits seke(re)n rasteme(n)ten d(aer)op bij hem/ voe(r) den selve(n) afbreken(en) geleecht ende oick want de schue(r)/ gestaen hadde over xii jae(re)n aldair gedect en(de) geplect
//
alsoe datmen dien aldair hadde gebruyct als ande(r) erfhuyse/ Den voirs(creven) jaquemijn de contrarie houden(de) en(de) meynen(de) dat/ afbreken wel te hebben moegen doen want hij dat huys/ nyet en hielt voir erve mair voe(r) have gemerct dat dat/ altijt gerust [en(de) gestaen] hadde op blocken sonder mueren oft ande(r)/ fondame(n)ten Wair van p(ar)tien tegen malcande(re)n in q(ue)stie(n)/ geweest hebben inde banck van gemblours alzoe/ verre dat vander selv(er) questien begrepe(n) was een/ hootvairt ende al des desen aencleeft der(re) vorweerde(n)/ ende condicien nae bescreven die zij malcande(re)n gelooft/ hebben tonderhouden Ierst dat zij om groote sware costen/ te scouwe(n) quijtschellen doot en(de) te nyeute doen in/ weerzijde(n) tproces voirs(creven) ende des dien aencleeft renu(n)cie(re)nde/ hinc inde vander zelver hootvairt Item dat de selve jaq(ue)mijn/ den voirs(creven) pira geven sal terstont als zij thuys come(n) zulle(n)/ voir alle de costen die de wet van gemblours oft oick/ de voirs(creven) pira den selve(n) jaquemijn soude(n) moegen eyssche(n)/ vand(er) wet rechte(n) en(de) vacacie(n) vande(n) processe dair/ de hootvairt op begrepe(n) was bescreven te hebben(e) en(de)/ oick voe(r) desselfs pira costen om alsnu alhier gecome(n)/ te zijne dertich stuv(er)s Item voe(r) dafbreken vander/ schue(re)n die welcke en(de) tprouffijt dair af gecome(n) de/ voirs(creven) jaquemijn te hemwert hebben en(de) behoude(n) zall/ sal de selve jaquemijn den selve(n) pira geven sesse pet(er)s/ te xviii stuv(er)s tstuck De twee dair af bynne(n) xiiii/ nachte(n) naistcomen(de) ende tsurplus talderheylige(n)messe/ dair nae volgen(de) als de leste paye vallen sal vand(en)/ vercochter schue(re)n voirs(creven) oft eer op dat die paye eer valt/ oft betaelt wordt quol(ibe)t ass(ecutu)[m] Ende h(ier) mede sullen/ p(ar)tien van desen beslicht zijn blive(n) behalve(n) pirarde/ zijne(n) erfpachte van eene(n) mudde corens voirs(creven) opden/ voirs(creven) zijnen onderpandt gebloet vand(er) voirs(creven) schue(re)n/ inder maten zoe hij dien nu bevint inden gevalle
//
jaquemijn den selve(n) gront die pirart uuyt gedaicht heeft/ voe(r) tselve mudde corens weder beg(er)t te hebben(e) In/ welcke(n) gevalle pirart hem dien weder overgoeden/ sal opden selve(n) zijne(n) erfpachte voirs(creven) oft anders sal/ pirart d(aer)inne blive(n) Oick zullen p(ar)tien malcande(re)n/ hulpen vervolgen aende wet van gemblours dat pirarde/ zijn ingesette pe(n)ni(n)gen tott(er) hootvairt ald(aer) en(de) jaquemijne/ zijne juwelen oick inne gesedt aldair totter selver/ hootvairt gerestitueert wordde(n) los en(de) vry cor(am) h(er)meys/ naus(nydere) maii xxiii