Want gor(is) motte als houde(r) ende besitte(r) vand(en) hove/ goeden ende landen geheeten van melain wijlen/ toebehoiren(de) ja(n)ne motten d(aer)op de weduwe desselfs/ hadde vi mudden tarwen vi mudd(en) weysincx en(de)/ een zister raepsaets lijfpen(sie) tot hue(re)n live boven/ zeke(re)n vonnessen van dien ten vordele en(de) profijte/ vand(er) selv(er) weduwen gewesen xix octobr(is) a(nn)[o] xc met/ brieve(n) vand(er) stadt benome(n) hadde d(er) selv(er) weduwen/ hue(r) gebruick vande(n) selve(n) goeden die huer dair/ in handen gewijst wae(re)n om tott(er) betalingen/ aldair geruert te come(n) met coste en(de) co(m)me(r) ende hem/ pijnde de questie tusschen hen dien vonnesse/ aengaen(de) alnoch ombeslicht sijnde tgebruyck va(n)d(en)/ selve(n) goeden te nemen(e) ende de vruchten te doen/ dersschen spolie(re)nde dairaf deselve weduwe/ Soe es comen op heden in rechte inde banck voir/ meye(r) en(de) scepen(en) van loven(en) jacop witteman als/ procur(eur) d(er) selv(er) weduwen en(de) heeft doen lesen tvoirs(creven)/ vonnesse en(de) d(aer)entinde(n) versocht dat huer tselve/ vonnesse werdde voldaen en(de) ond(er)houden ende dat/ de voirs(creven) gor(is) bedwongen wordde te cesseren(e) van/ dersschen(e) oft de goede voirde(r) te mi(n)de(re)n hopen(de) dat/ huer dat alsoe sculdich wae(r) te gebue(re)n nae recht/ dair hijs hem als huer procur(eur) toegedroech te/ voirde(r) oick want deselve gor(is) niet en soude conne(n)/ bewijsen tselve vonnesse noch oick hue(r) lijfrinte/ d(aer)af ombetaelt uutstaen(de) voldaen te sijne Dair/ tege(n) willem van lele als procur(eur) des voirs(creven) gor(is)/ niet antweerden(de) int principael mits absen(tie) van/ gor(is) sijne(n) meeste(r) d(aer)aff hij die nu yerst dae(n)sprake/ en(de) meyni(n)ge vand(er) weduwen gehoirt hadde/ heeft begeert eene(n) dach van berade van acht/ daige(n) en(de) informatie van sijne(n) meeste(r) te nemen(e)/ hopen(de) dat hem dien wordden soude Dair tege(n)/ de wed(er)p(ar)tie replice(re)nde seyde dat d(aer)enbi(n)nen alle/ de vruchten uutgedersschen souden sijn hopen(de) alsoe
//
dat hem dien dach niet gebue(re)n en soude Es gewijst/ met vonnesse t(er) manissen smeyers dat de voirs(creven)/ willem van lele den voirs(creven) dach van berade hebbe(n)/ soude behalve(n) dat alle executien dersschingen en(de)/ aenverding(en) vande(n) goeden bij gor(is) voirs(creven) begonst/ stille staen en(de) cesse(re)n soude totten ynde vand(en) beslichte/ van desen en(de) dat om d(aer)toe te comen(e) de wed(er)p(ar)tie/ sal moege(n) volgen met br(ieven) vand(er) stadt aend(en) borg(er)meest(er)/ in scampno decembr(is) xvii