Want amelrijck pynnock die nae des(er) stadt recht voir/ sijn wettich gebreck uut crachte van scepen(en) brieve(n) van/ loeven(en) come(n) ende geleydt es tot alle(n) den goede(n) beyde/ have ende erve hermans vand(er) ramen geheete(n) wynckens/ ende jaspars wijle(n) vand(er) ramen geheete(n) wynckens/ soe wair die gelegen sijn hem met brieven van/ des(er) stadt gescreve(n) aend(en) meye(r) van meerhout oft zijne(n)/ stadhoude(r) alle de selve goede behoirlijck heeft doen/ leve(re)n ende den voirs(creven) h(er)ma(n)ne vand(er) ramen ende/ der weduwe(n) ende kinde(re)n des voirs(creven) wijlen jasp(er)s/ dach van rechte alhier te compare(re)n inde banck/ voir meye(r) ende scepen(en) van loeven(en) oft zij hen/ dairtegen hadde(n) wille(n) oppone(re)n doen bescheyde(n)/ Aldair zij op hede(n) niet gecompareert en zijn/ noch nyemant van hue(re)n wege(n) henricke pynnock/ als procur(eur) des voirs(creven) amelrijcx zijns brueders/ compare(re)nde en(de) trecht voirt versueken(de) soe v(er)re/ dat de scepen(en) van loeven(en) t(er) manissen smeyers nae/ dat hen behoirl(ijck) heeft gebleke(n) bij resc(ri)pte jans/ van dyest meyers tot meerhout gewese(n) hebben/ voir een vonnesse wair de wed(er)p(ar)tie des voirs(creven)/ geleydden niet en compareerde voe(r) den opstaen(en)/ smeyers en(de) der scepen(en) datme(n) den selve(n) geleydde(n)/ vand(en) voirs(creven) goeden houde(n) soude inde macht van/ zijne(n) beleyde scepen(en) brieve(n) en(de) leveri(n)gen alsoe/ verre alst noch voir scepen(en) come(n) es in/ scampno januarii xxiiii