Want augustijn opden berch die nae des(er) stadt recht voir/ sijn wettich gebreck uut crachte van scepen(en) brieve(n) van loeven(en)/ comen en(de) geleydt es tot allen den goede(n) beyde have ende erve/ jans wout(er)s ende arnts brugmans gebruede(re)n en(de) willems/ kerckmans soe wair die gelege(n) zijn hem met brieven/ van des(er) stadt gescreve(n) aenden meye(r) van arschot oft/ zijne(n) stadhoude(r) te bethekem alle de selve goede behoirl(ijck)/ heeft doen leve(re)n ende den voirs(creven) janne en(de) arnde/ brugma(n)s der wed(uwe) des voirs(creven) wijle(n) wout(er)s brugma(n)s/ ende willem(me) kercma(n)s dach van rechte alhier te compare(re)n/ inde banck voir meye(r) en(de) scepen(en) van loeven(en) doen besceyd(en)/ oft zij hen dairtege(n) hadde(n) wille(n) oppone(re)n Aldair/ zij op heden niet gecompareert en zijn noch nyema(n)t/ van hue(re)n wegen den voirs(creven) geleydden compare(re)nde/ ende trecht voirt versueken(de) soe verre dat de scepen(en)/ van loeven(en) ter manissen smeyers nae dat hen behoirlijck/ heeft gebleken bij rappoirte gielis eveloeghe des(er)/ stadt bode de voirs(creven) leveri(n)ge ende dachbescheydi(n)ge/ behoirlijck gesciet te zijne vonneslijck gewijst hebben wair/[de wed(er)p(ar)tie vand(en) geleidd(en) niet en co(m)pareert voe(r) de(n) opstaen(en) smeyers en(de) d(er) scepen(en)] datmen den voirs(creven) geleydde(n) vand(en) voirs(creven) goede(n) houden/ soude inde macht van zijne(n) beleyde scepen(en) brieve(n) en(de)/ leveri(n)gen alsoe verre alst noch voir scepen(en) come(n) es/ in scampno januarii xxiiii