Item katlijn yeven weduwe willems wijlen de h(er)toge/ willem de hertoge huer zone ende katlijn zijn huysvrouwe/ jan ende joha(n)ne de h(er)toge oick kinde(re)n der voirs(creven) wed(uwe) ende/ brued(er) ende sust(er) des voirs(creven) willems de hertoge p(ri)us a/ pane d(i)c(t)e r(e)l(i)c(t)e eoru(m) m(at)ris ema(n)cipat(i) alle woenen(de) te/ haecht in p(rese)ntia hebben gehuert ende bekindt gehuert te/ hebbe(n) tege(n) joese van oerbeke ende gielijse crol als mo(m)boirs/ vande(n) heylige(n)gheest van s(in)t jacops opde biest die de(n) selve(n)/ p(er)sone(n) voirs(creven) inde(n) name vande(n) selve(n) heylighe(n)gheest bekint/ hebbe(n) verhuert te hebbe(n) drie stucken beempts geheete(n)/ den beere(n)donct houden(de) tsame(n) omtrindt acht boende(re)n oft/ d(aer)omtrindt alsoe die gelege(n) zijn eensdeels onder haecht/ ende eensdeels onder werchte(r) de(n) selve(n) heylige(n)gheest/ toebehoiren(de) Te houde(n) te hebbe(n) ende te gebruycke(n) va(n)/ halfmeerte naistcomen(de) eene(n) t(er)mijn van negen jae(re)n/ lanck due(re)nde deen nae dander sonder middel vervolgen(de)/ elcx jairs d(aer)enbynne(n) om ende voe(r) zessenvijftich/ pet(er)s te xviii stuv(er)s tstuck jairlijcx den selve(n) t(er)mijn/ due(re)nde te betalen en(de) te leve(re)n inder manie(re)n navolgen(de)
//
Te weten(e) alle jaire bynne(n) den selve(n) t(er)mijne tsint jansmisse drie pet(er)s/ aen de jouffrouwe ilobs Item twee hondert oude groote tstuck te vijf pl(a)c(ken)/ acht miten brab(ants) te bamisse aen gielijse de vos huyvette(r) te mechelen/ ende beyde dese so(m)me(n) in afcortingen vanden voirs(creven) lvi pet(er)s mair des/ de selve ii[c] oude groote min gedrage(n) dan twintich pet(er)s sulle(n) de voirs(creven)/ huerlingen voe(r) tselve surplus volmaken(de) de selve twintich pet(er)s sculdich/ zijn te betalen jairlijcx te kersmisse den grontchijs uuyte(n) selve(n) beemde(n)/ gaende te weten(e) aen den rintmeest(er) des hee(re)n van rotselair onder haecht/ in eender ghichte(n) die hubrecht de raymake(re) alsnu draight twee pe(n)ni(n)g(en)/ en(de) twee molevate(n) even(en) Item aen tgoet van delbroeck drie pe(n)ni(n)g(en)/ en(de) drie mol(evaten) even(en) ende noch aen den rintmeest(er) she(re)n van rotselair/ onder werchte(r) vijf pond(en) paymi(n)ts tot hue(re)n laste en(de) sonder afslach/ vande(n) voirs(creven) lvi pet(er)s Item noch thien pet(er)s lijftochte(n) aen de/ wed(uwe) lodewijcx wijlen van triesee en(de) hue(re)r dochter woenen(de) te/ mechelen vallen(de) jairlijcx opte(n) viiiten dach octobris oft d(aer)omtrindt/ die de(n) selve(n) huerlinge(n) aen de voirs(creven) lvi pet(er)s cortte(n) sullen/ behalver oft gebuerde dat de live vande(n) selve(n) rinte(n) aflivich/ wordde(n) bynne(n) de(n) voirs(creven) t(er)mijne dat in dien gevalle de selve x pet(er)s/ alsdan volge(n) sulle(n) den heyl(igengheest) vorscr(even) Item tsurplus vanden/ voirs(creven) geheelder so(m)me van lvi pet(er)s sulle(n) de huerlinge betale(n)/ den voirs(creven) heyl(igengheest) jairlijcx den t(er)mijn due(re)nde deen hellicht d(aer)af te/ kersmisse [en(de)] dander hellicht te sinxen(en) dair naist volgen(de) Ite(m) es vor/ weerde dat de voirs(creven) huerlinge de voirs(creven) p(or)ceele(n) van grontchijse/ en(de) den ande(re)n rinte(n) voirs(creven) soe in tijts betalen sulle(n) dat den heyl(igen)gheest/ voirs(creven) d(aer)af [geen scade] en come Ende oft gebuerde sulle(n) zij die scaden oprichte(n)/ en(de) betalen zonder cost oft last vand(en) heyl(igen)gheeste voirs(creven) Item es/ oick vorweerde [dat de] huerlinge de voirs(creven) beempde jairlijcx wel ende/ loflijck bevrede(n) sulle(n) ten meeste(n) prouffijte en(de) ter mi(n)ster scade(n)/ sonder des heyligheest cost Welcke(n) vrede zij neme(n) sullen/ moege(n) opde willeghe(n) op de selve beempde staen(de) ter mi(n)ster/ scanden ende oft dair e(n)nich herthout opde selve beempde/ wassen(de) es dat zij dat truncke(n) moege(n) alst tijtverdich es/ mair niet afhouwe(n) ten gronde Item voir elck oude willeghe/ oft abeele die opde voirs(creven) beempde vergaen sulle(n) sulle(n)/ de huerlinge(n) gehoude(n) zijn te setten en(de) te plante(n) twee wassen(de)/ pote(n) vande(n) gelijcke(n) boome(n) Item es noch vorweerde dat de/ voirs(creven) huerlinge plante(n) en(de) sette(n) sulle(n) op de voirs(creven) beempde/ dair des meest behoeft en(de) mynst beset es twee hondert poote(n)
//
en(de) die houden wassen(de) deen hondert d(aer)af bynne(n) den twee yersten jae(re)n/ naistcomen(de) ende dander hondert dair nae bynne(n) den selven/ t(er)mijne alst hen gelieft Item es noch vorweerde dat den heylighe(n)/ gheest in gheene(n) cost oft last gehoude(n) en sal zijn die vand(er)/ dijlen oft anderssins opde voirs(creven) beempde toecome(n) mochte(n)/ behalve(n) alleene oft bijde(n) gemeyne(n) lande eene(n) dijck geordineert/ wordde op de dijle dat den heylighe(n)gheest dien tsijne(n) last/ drage(n) sal Item es vorweerde dat de voirs(creven) huerlinge de/ voirs(creven) beempde oft eensdeels somtijts besayen sulle(n) moege(n)/ bynne(n) de(n) voirs(creven) t(er)mijne behalve(n) soe wa(n)neer zij die oft/ eensdeels besaeyt sulle(n) hebbe(n) dair zijse d(aer)nae twee jair/ sulle(n) moete(n) etten sonder die weder te sayen Behoude(lijc) oick/ dat zij die noch gheen van dien en sullen moege(n) besayen/ de twee leeste jairen vand(en) t(er)mijne voirs(creven) Ende voirt/ tvoldoen en(de) sekerheyt van dese(n) hebbe(n) de voirs(creven) huerlinge(n)/ veroblig(er)t ex nu(n)c prout ex tu(n)c alle hue(r) goede have en(de)/ erve hoedanich die zijn wair die belegen zijn b oft bevonde(n)/ sulle(n) moege(n) wordde(n) Ende alle dese vorweerde(n) (et)c(etera)/ cor(am) h(er)meys naus(nydere) febr(uarii) xv